Amazon-ის Prime Day-ზე მომხმარებლებმა $13 000-იანი ტექნიკა $94-ად შეიძინეს

ამაზონის ვებგვერდზე დაშვებული შეცდომის გამო, Prime Day-ზე მომხმარებლები $13 000-ის ღირებულების აპარატურას $94-ად ყიდულობდნენ. როგორც Amazon-ის ერთ-ერთი მომხმარებელი იტყობინება, Sony-ს უსარკო ფოტოკამერა (a6000) და 16-50-მილიმეტრიანი ლინზა, რომლის ჩვეულებრივი ფასი $550-მდეა, ამაზონზე სულ რაღაც 94,48 დოლარად იყო ხელმისაწვდომი. სხვა მომხმარებლის ინფორმაციით კი, $3000-იანი ტელესკოპი ასევე $94,48-ად შეიძინა. მალევე ცხადი გახდა, რომ Amazon-ს ტექნიკური ხარვეზი ჰქონდა და თითქმის ყველა პროდუქტი აღნიშნულ ფასად იყიდებოდა.