გავრცელებული ინფორმაციით, Apple გეგმავს AirPods-ის განახლებას, რომელიც მომხმარებლებს საშუალებას მისცემს, რეალურ დროში მოისმინონ სხვა ენებზე ნათქვამი სიტყვები საკუთარ ენაზე თარგმნილი. ტექნოლოგიური მიმომხილველების თქმით, ეს ფუნქცია iOS 19-თან იქნება დაკავშირებული და AirPods-ის პროგრამული უზრუნველყოფის განახლების სახით იქნება ხელმისაწვდომი მიმდინარე წელს. ეს გულისხმობს, რომ სპეციალური AirPods-ის მოდელი არ იქნება საჭირო და თარგმანი არსებულ მოდელებზეც იმუშავებს.
მართალია, Apple ამ სფეროში სიახლეს არ გვთავაზობს, რადგან Google უკვე რამდენიმე წელია, Pixel Buds-სა და Pixel Buds Pro-ში ცოცხალი თარგმანის ფუნქციას იყენებს და სხვა კომპანიებიც გვთავაზობენ ყურსასმენებს თარგმანის შესაძლებლობით. თუმცა, Apple-ის პროდუქტის მომხმარებლებისთვის ეს მნიშვნელოვანი წინგადადგმული ნაბიჯი იქნება.
Apple-სა და Google-ს დიდი ხანია აქვთ თარგმანის აპლიკაციები მობილური მოწყობილობებისთვის. iOS-სა და iPadOS-ში ჩაშენებული Apple Translate აპი სხვადასხვა ენაზე თარგმნის საშუალებას იძლევა. მაგრამ თარგმანის პირდაპირ ყურსასმენებში მოსმენა უფრო მოსახერხებელი და ეფექტური იქნება.
მაგალითად, თუ თქვენი მშობლიური ენა ინგლისურია და ცდილობთ ესაუბროთ ადამიანს, რომელიც საუბრობს ესპანურად, ფრანგულად, იტალიურად ან სხვა მხარდაჭერილ ენაზე, AirPods-ის გამოყენებით, თქვენ მოისმენთ მის სიტყვებს ინგლისურად თარგმნილს. როდესაც თქვენ უპასუხებთ ინგლისურად, თარგმანი iPhone-ის საშუალებით გადაიცემა. ვარაუდობენ, რომ თუ ორივე ადამიანი AirPods-ს ატარებს, თითოეული მოისმენს მეორე ადამიანის სიტყვებს პირდაპირ თარგმნილს.
გარდა ამისა, გავრცელებული ინფორმაციით, Apple ამზადებს AirPods Pro-ს ახალ ვერსიას. მოსალოდნელია, რომ მესამე თაობის მოდელი, რომელიც წელს გამოვა, გააუმჯობესებს აქტიურ ხმაურის ჩახშობას და სხვა აუდიო მახასიათებლებს. ასევე, Apple-ის ჯანმრთელობაზე ზრუნვის გათვალისწინებით, ახალ AirPods Pro-ს შესაძლოა, გულისცემის მონიტორინგისა და ტემპერატურის განსაზღვრის ფუნქციებიც დაემატოს.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს