შაბათს, "ბარსელონასა" და "ოსასუნას" შორის დაგეგმილი საფეხბურთო მატჩი მოულოდნელად გადაიდო. გადაწყვეტილება კატალონიური კლუბის პირველი გუნდის ექიმის, კარლეს მინარო გარსიას გარდაცვალებამ გამოიწვია. შეხვედრა თბილისის დროით 23:00 საათზე უნდა დაწყებულიყო, თუმცა მის დაწყებამდე ცოტა ხნით ადრე, სტადიონის დიდ ეკრანზე მატჩის გადადების შესახებ განცხადება გამოჩნდა.
"ბარსელონას" ხელმძღვანელობამ ღრმა მწუხარება გამოთქვა ექიმის გარდაცვალების გამო და ოჯახს მიუსამძიმრა. კლუბის პრეზიდენტმა, ჟოან ლაპორტამ, მინარო გარსიაზე თბილი სიტყვები არ დაიშურა და აღნიშნა, რომ ის გუნდის ყველა წევრს ძალიან უყვარდა. ლაპორტას თქმით, ექიმი მოულოდნელად, გუნდის სასტუმროში გარდაიცვალა, რამაც ფეხბურთელებზე დიდი გავლენა მოახდინა. სწორედ ამიტომ, კლუბმა მატჩის გადადება მოითხოვა.
"ოსასუნამაც" გამოთქვა მწუხარება მომხდარის გამო და "ბარსელონას" გუნდს თანაგრძნობა გამოუცხადა. მატჩის ახალი თარიღი მოგვიანებით გახდება ცნობილი.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს