ბრუკლინ ბექჰემი "ფორმულა E"-ს ავტომობილის მართვისთვის ემზადება

ცნობილი გახდა, რომ ბრუკლინ ბექჰემი, დევიდ ბექჰემის ვაჟი, ხუთშაბათს "ფორმულა E"-ს რბოლაში მიიღებს მონაწილეობას. ამასთან დაკავშირებით, BBC Sport-მა გამოაქვეყნა ვიდეო, სადაც ნაჩვენებია, თუ როგორ გადის ბრუკლინი მოსამზადებელ ეტაპს და ეუფლება Jaguar-ის "ფორმულა E"-ს ავტომობილის მართვის ტექნიკას. ეს ღონისძიება "ფორმულა E"-ს პოპულარიზაციისკენ მიმართული კამპანიის ნაწილია. ორგანიზატორებმა მაიამიში დაგეგმილ რბოლაში მონაწილეობის მისაღებად 11 ცნობილი ადამიანი მიიწვიეს, მათ შორის არიან ბექჰემი და "მანჩესტერ სიტის" ყოფილი თავდამსხმელი სერხიო აგუერო. ისინი ერთმანეთს შეეჯიბრებიან. ბექჰემმა აღნიშნა, რომ აღნიშნული გამოწვევით ძალიან აღფრთოვანებულია.