ერინ კატბერტმა "ჩელსისთან" კონტრაქტი 2027 წლამდე გაახანგრძლივა

"ჩელსის" ნახევარმცველმა, ერინ კატბერტმა, კლუბთან ახალი კონტრაქტი გააფორმა, რომელიც 2027 წლის ზაფხულამდე გაგრძელდება. 26 წლის ფეხბურთელი "ჩელსის" რიგებს 2017 წელს "გლაზგო სიტიდან" შეუერთდა. ამჟამინდელ შემადგენლობაში, მასზე დიდხანს კლუბში მხოლოდ კაპიტანი მილი ბრაიტია. კატბერტმა "ჩელსის" მაისურით 256 მატჩი ჩაატარა და 12 მნიშვნელოვანი ტიტული მოიპოვა, მათ შორის, ქალთა სუპერლიგის შვიდი ჩემპიონობა. ფეხბურთელის თქმით, რვა წლის წინ რომ ეთქვათ, რომ ამდენ ხანს დარჩებოდა კლუბში, არ დაიჯერებდა. მან აღნიშნა, რომ შეიყვარა კლუბი და კლუბმაც შეიყვარა ის, რაც განსაკუთრებულია. "ჩელსის" ქალთა ფეხბურთის ხელმძღვანელმა, პოლ გრინმა განაცხადა, რომ ერინი გუნდის ერთ-ერთი ლიდერია და ახლა მისი საუკეთესო პერიოდია. მისი თქმით, მათ დაინახეს, როგორ განვითარდა ის მსოფლიოს ერთ-ერთ საუკეთესო ცენტრალურ ნახევარმცველად და მოუთმენლად ელიან მის პროგრესს მომდევნო წლებში. კატბერტი შოტლანდიის ნაკრების ღირსებას 74 მატჩში იცავდა.