ფეისბუქი კონტენტის ავტორებს ახალ შესაძლებლობას სთავაზობს - "სთორიზებში" განთავსებული საჯარო კონტენტიდან შემოსავლის მიღებას. კომპანიის განცხადებით, ავტორებს უკვე შეუძლიათ ფულის გამომუშავება იმ კონტენტით, რომელსაც აქამდეც აზიარებდნენ, უბრალოდ, ახლა ის ფეისბუქის "სთორიზებში" უნდა აიტვირთოს. ეს ახალი მონეტიზაციის ვარიანტი უკვე ხელმისაწვდომია მთელ მსოფლიოში იმ ავტორებისთვის, რომლებიც ფეისბუქის კონტენტის მონეტიზაციის პროგრამაში მონაწილეობენ.
ფეისბუქის წარმომადგენელმა განაცხადა, რომ "სთორიზებიდან" გადახდები კონტენტის პოპულარობაზე იქნება დამოკიდებული და ავტორებს შეუძლიათ შემოსავლის მიღება ნახვების კონკრეტული ზღვრის მიღწევის გარეშეც. მაგალითად, ავტორებს შეუძლიათ გააზიარონ ყოველდღიური საქმიანობის ამსახველი მოკლე ვიდეოები და დამატებითი ფინანსური სარგებელი მიიღონ.
მნიშვნელოვანია, რომ ავტორებს, რომლებიც ფეისბუქის კონტენტის მონეტიზაციის პროგრამის წევრები არიან და უკვე გაააქტიურეს კონტენტის მონეტიზაცია, არაფრის გაკეთება არ სჭირდებათ "სთორიზების" მონეტიზაციის გასააქტიურებლად - უბრალოდ, უნდა გამოაქვეყნონ კონტენტი. "სთორიზებიდან" შემოსავლის მისაღებად აუცილებელია პროგრამაში მონაწილეობა. ავტორებს, რომლებიც პროგრამის წევრები არ არიან, შეუძლიათ ინტერესის გამოხატვა ფეისბუქის კონტენტის მონეტიზაციის ბეტა ვერსიის ინტერესთა ფორმის შევსებით, პროგრამის ვებ-გვერდის მეშვეობით.
ფეისბუქის ბლოგზე გამოქვეყნებული ინფორმაციის თანახმად, "ფეისბუქის კონტენტის მონეტიზაცია აერთიანებს In-stream რეკლამებს, რეკლამებს Reels-ში და Performance Bonus-ს ერთ პროგრამაში, რაც გაგიადვილებთ შემოსავლის მიღებას მეტი კონტენტის ფორმატიდან. ახლა შეგიძლიათ შეუერთდეთ მხოლოდ ერთ პროგრამას და შემოსავალი მიიღოთ თქვენი Reels-ებიდან, გრძელი ვიდეოებიდან, ფოტოებიდან და ტექსტური პოსტებიდან."
მას შემდეგ, რაც ფეისბუქმა მონეტიზაციის პროგრამები გააერთიანა, კომპანიის განცხადებით, 2024 წელს კონტენტის ავტორებმა ფეისბუქზე 2 მილიარდ დოლარზე მეტი გამოიმუშავეს, ხოლო გადახდები Reels-ებისთვის და სხვა მოკლე ვიდეოებისთვის 80%-ზე მეტით გაიზარდა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს