ყოფილი "მანჩესტერ იუნაიტედის" ფეხბურთელი, ბრენდონ უილიამსი, აღიარებს დანაშაულს საშიშ მართვაში. ინციდენტი გასული წლის აგვისტოში, ჩეშირის საგრაფოში მოხდა.
გამოძიების მასალების თანახმად, 24 წლის უილიამსი, ავტომობილ "აუდი A3"-ით გადაჭარბებული სიჩქარითა და ქაოტურად გადაადგილდებოდა. დადგენილია, რომ სიჩქარე ზოგიერთ მონაკვეთზე საათში 160 კილომეტრს აღწევდა, მაშინ როდესაც დასაშვები სიჩქარე 112 კილომეტრი იყო.
სასამართლო პროცესზე, უილიამსმა თავი დამნაშავედ ცნო საშიშ მართვაში და მესამე პირის დაზღვევის არქონაში. იმ დროს, ის "მანჩესტერ იუნაიტედის" კონტრაქტორი იყო. ავტომობილში მასთან ერთად იმყოფებოდა ქალბატონი.
გამოძიებით დადგინდა, რომ ავტომობილი კონტროლს აღარ ექვემდებარებოდა და შეეჯახა "ფორდ ფიესტას", რის შემდეგაც ცენტრალურ გამყოფ ზოლს შეეჯახა. ორივე ავტომობილი მნიშვნელოვნად დაზიანდა.
უილიამსმა, რომელიც იმ პერიოდში იჯარით "იფსვიჩ თაუნში" თამაშობდა, ალკოჰოლზე შემოწმება გაიარა, რომლის შედეგიც უარყოფითი იყო. მომხდარის შემდეგ, ფეხბურთელს სამედიცინო დახმარება დასჭირდა.
პროკურორის განცხადებით, უილიამსის მართვა აშკარად სცდებოდა კომპეტენტური და ყურადღებიანი მძღოლის სტანდარტებს. ექსპერტიზამ დაადასტურა, რომ შეჯახებამდე ოთხი წამის განმავლობაში, ის საათში 160 კილომეტრის სიჩქარით მოძრაობდა. მოწმეების თქმით, უილიამსი პერიოდულად აჩქარებდა და მკვეთრად ამუხრუჭებდა, რაც იმაზე მიუთითებდა, რომ ავტომობილს ვერ აკონტროლებდა.
საბედნიეროდ, ინციდენტის შედეგად არავინ დაშავებულა სერიოზულად. "მანჩესტერ იუნაიტედმა" ფეხბურთელთან კონტრაქტი მიმდინარე წლის ივნისში არ განაახლა. სასჯელის გამოცხადება 9 მაისს, ჩესტერის საგრაფო სასამართლოში იგეგმება. ამჟამად, უილიამსი უკლუბოდაა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს