ლონდონის "არსენალი" და მიუნხენის "ბაიერნი" ესპანელი გარემარბის, ნიკო უილიამსის შეძენით არიან დაინტერესებულნი. ამავდროულად, "ნიუკასლის" თავდამსხმელი ალექსანდერ ისაკი კლუბთან ახალი კონტრაქტის თაობაზე მოლაპარაკებების დაწყებას გეგმავს.
გავრცელებული ინფორმაციით, "ბაიერნი" კვლავ დაინტერესდა ბილბაოს "ატლეტიკისა" და ესპანეთის ნაკრების 22 წლის გარემარბით, ნიკო უილიამსით, თუმცა მას კონკურენციას "არსენალი" გაუწევს.
"ნიუკასლისა" და შვედეთის ნაკრების 25 წლის თავდამსხმელი, ალექსანდერ ისაკი ზაფხულში კლუბთან ახალი კონტრაქტის განხილვას აპირებს.
ლონდონის "ჩელსიმ" პორტუგალიის 21-წლამდელთა ნაკრების ნახევარმცველის, დარიო ესუგუს ტრანსფერზე შეთანხმებას მიაღწია. ფეხბურთელი "სპორტინგიდან" 21 მილიონი ფუნტის სანაცვლოდ გადმოვა.
მადრიდის "რეალი" "ტოტენჰემისა" და არგენტინის ნაკრების მცველის, 26 წლის კრისტიან რომეროს, ასევე "ევერტონის" 22 წლის ინგლისელი ცენტრალური მცველის, ჯარად ბრანტვეიტის შეძენას განიხილავს, რათა დაცვის ხაზი გააძლიეროს.
"ევერტონი" ზაფხულში "რეინჯერსიდან" 22 წლის მაროკოელი თავდამსხმელის, ჰამზა იგამანეს დამატებას გეგმავს.
"ლივერპულს" გერმანელი გარემარბის, 29 წლის ლეროი სანეს სანაცვლოდ "არსენალთან" კონკურენციის გაწევა მოუწევს, რომლის კონტრაქტიც "ბაიერნთან" ზაფხულში იწურება.
"ბრაიტონი" შვედი ნახევარმცველის, 21 წლის იასინ აიარის სანაცვლოდ 20 მილიონ ფუნტზე მეტ შეთავაზებას ელოდება. ფეხბურთელით დორტმუნდის "ბორუსია" და "მილანი" არიან დაინტერესებულნი.
"ბარსელონა" უახლოეს კვირებში პოლონელ ყოფილ "არსენალის" მეკარესთან, 34 წლის ვოიცეხ შჩესნისთან ახალი კონტრაქტის განხილვისთვის მზადაა.
"არსენალი" და "ლივერპული" ლიონის "ოლიმპიკის" ბელგიელი გარემარბის, 19 წლის მალიკ ფოფანას შეძენით არიან დაინტერესებულნი.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს