ბრიტანეთის მსმენელები უახლოესი სამი სეზონის განმავლობაში ფორმულა 1-ის რბოლებს რადიოეთერში BBC-ის არხებით მოისმენენ. BBC Radio 5 Live, 5 Sports Extra და BBC Sounds-მა ექსკლუზიური უფლება მოიპოვეს, გააშუქონ ფორმულა 1-ის ჩემპიონატი.
2025 წლის სეზონი ავსტრალიის გრან-პრით იწყება და რადიო 5 Live-ის გუნდს ყოფილი მსოფლიო ჩემპიონი, დეიმონ ჰილი შეუერთდება. ჯენი გოუ და როზანა ტენანტი პიტ-ლეინიდან იმუშავებენ, ხოლო ჰარი ბენჯამინი და ბენ ედვარდსი რბოლების მთავარი კომენტატორები იქნებიან.
რადიო 5 Live, 5 Sports Extra და BBC Sport-ის ვებგვერდი პირდაპირ ეთერში გადასცემენ რბოლების კომენტარებს, საკვალიფიკაციო და საწვრთნელ სესიებს.
ჯენი გოუს თქმით, ლუის ჰემილტონის "ფერარიში" გადასვლა, მაქს ვერსტაპენის მეხუთე ტიტულისთვის ბრძოლა და ლანდო ნორისის პირველი ჩემპიონობის მოპოვების იმედი ამ სეზონს ისტორიაში საუკეთესოდ აქცევს.
დეიმონ ჰილთან ერთად გუნდში იქნებიან ფორმულა E-ს მრბოლელი სემ ბერდი, ყოფილი W Series-ის მრბოლელი ელის პაუელი და მარკ პრისტლი, "მაკლარენის" ყოფილი მექანიკოსი.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს