ინგლისისა და უელსის კრიკეტის საბჭომ (ECB) სოციალურ ქსელში გამოქვეყნებული პოსტის გამო ბოდიში მოიხადა. პოსტი, რომელიც პაპ ფრანცისკეს "ეშის" თამაშების სიყვარულს ეხებოდა, კრიტიკის ქარცეცხლში გაეხვა.
ცნობისთვის, რომის ჯემელის საავადმყოფოში მკურნალობის კურსს გადის 88 წლის პაპი ფრანცისკე. "ეშის ოთხშაბათის" აღსანიშნავად, პაპის "X"-ის გვერდზე გამოქვეყნდა ტექსტი. აღნიშნულ პოსტზე ინგლისის კრიკეტის ოფიციალურმა გვერდმა დაწერა, რომ პაპსაც კი უყვარს "ეშის" თამაშები. აღნიშნული პოსტი მალევე წაიშალა.
ECB-ის წარმომადგენლის განცხადებით, ეს იყო უადგილო პოსტი, რომელიც სწრაფად წაიშალა და ისინი ბოდიშს იხდიან შესაძლო შეურაცხყოფისთვის. "ეშის ოთხშაბათი" აღნიშნავს მარხვის დაწყებას, 40-დღიან პერიოდს, რომლის განმავლობაშიც ქრისტიანები აღდგომისთვის ემზადებიან. პაპის განცხადებაში ნათქვამია, რომ ფერფლი გვახსენებს, თუ ვინ ვართ ჩვენ, რაც სასარგებლოა. ის გვაყენებს ჩვენს ადგილას, ასწორებს ჩვენი ნარცისიზმის უხეშ კიდეებს, გვაბრუნებს რეალობაში და უფრო თავმდაბლებსა და ერთმანეთისთვის გახსნილებს გვხდის. არცერთი ჩვენგანი არ არის ღმერთი; ჩვენ ყველანი მოგზაურობაში ვართ.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს