იაპონელი მსოფლიო ჩემპიონი, ნაოია ინოუე, სუპერ-მსუბუქი წონის კატეგორიაში მოპოვებულ უდავო ტიტულს რამონ კარდენასის წინააღმდეგ დაიცავს. ბრძოლა 4 მაისს, ლას-ვეგასში, T-Mobile Arena-ზე გაიმართება.
ინოუე ოთხი სხვადასხვა წონის კატეგორიის მსოფლიო ჩემპიონია და პროფესიონალურ რინგზე 29 ბრძოლაში არც ერთი მარცხი არ განუცდია. 31 წლის იაპონელი, რომელიც მსოფლიოში ერთ-ერთ საუკეთესო მოკრივედ ითვლება, ამერიკაში 2021 წლის შემდეგ პირველად იასპარეზებს.
რაც შეეხება მის მეტოქეს, ამერიკელ რამონ კარდენასს, მას 27 ბრძოლიდან 26 მოგება აქვს და მსოფლიო ტიტულისთვის პირველად იბრძოლებს.
ინოუემ განაცხადა, რომ მადლიერია ამერიკელი გულშემატკივრების, რომლებიც მის კარიერას თვალს ადევნებენ და ლას-ვეგასში, T-Mobile Arena-ზე ბრძოლა მისთვის კიდევ ერთი მნიშვნელოვანი ეტაპია. მან ასევე აღნიშნა, რომ კარდენასი ძლიერი მოწინააღმდეგეა, რომელსაც პატივს სცემს ბრძოლაზე უყოყმანოდ დათანხმებისთვის.
ინოუემ ბოლო ბრძოლა იანვარში ჩაატარა და სამხრეთ კორეელი იე ჯუნ კი მეოთხე რაუნდში ტექნიკური ნოკაუტით დაამარცხა. კი ინოუეს მეტოქე გახდა მას შემდეგ, რაც სემ გუდმანი ბრძოლიდან 11 დღით ადრე მოიხსნა. ინოუეს მხოლოდ სამჯერ მოუწია მთელი დისტანციის გავლა და მისი ბოლო 10 გამარჯვება ნოკაუტით არის მოპოვებული.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს