ლებრონ ჯეიმსმა, ოთხგზის NBA-ის ჩემპიონმა (2012, 2013, 2016 და 2020 წლებში), "ლოს-ანჯელეს ლეიკერსის" "ბოსტონ სელტიქსთან" 111-101 წაგებისას საზარდულის ტრავმა მიიღო. 40 წლის კალათბურთელი მეოთხე პერიოდში, ტაიმ-აუტის დროს მოედნიდან კოჭლობით გავიდა, მას შემდეგ, რაც ჯეილენ ბრაუნთან ორთაბრძოლისას დაზიანება მიიღო. ჯეიმსმა მოედნის დატოვებამდე 22 ქულა, 14 მოხსნა და 9 შედეგიანი გადაცემა მიითვალა.
NBA-ის ყველა დროის საუკეთესო მექულემ, რომელმაც ამ კვირის დასაწყისში 50,000 კარიერული ქულა გადალახა, 2018 წელს საზარდულის პრობლემის გამო 17 მატჩი გამოტოვა, თუმცა ამჯერად განაცხადა, რომ ამ დაზიანებასთან დაკავშირებით "დიდი შეშფოთება არ აქვს". მისი თქმით, ის ყოველდღიურად დააკვირდება მდგომარეობას და საჭიროების შემთხვევაში, შესაბამის ზომებს მიიღებს.
ჯეისონ ტატუმმა 40 ქულა, 12 მოხსნა და 8 შედეგიანი გადაცემა დააგროვა, რამაც "სელტიქსს" გამარჯვების მოპოვებაში დაეხმარა. "ლეიკერსის" მხრიდან კი, სლოვენიელი ლუკა დონჩიჩი გამოირჩეოდა.
სხვაგან, სტეფ კარიმ "გოლდენ სტეიტ უორიორსის" "დეტროიტ პისტონსთან" 115-110 მოგების დროს, NBA-ის კარიერაში 25,000 ქულა გადალახა. კარი გახდა NBA-ის ისტორიაში 26-ე მოთამაშე, რომელმაც ამ მნიშვნელოვან ეტაპს მიაღწია. 36 წლის კალათბურთელმა მატჩი 32 ქულით დაასრულა და ჯამში 25,017 ქულა დააგროვა. მისი თქმით, ის საერთო ქულების რაოდენობას არ აკვირდებოდა და ეს მისთვის მოულოდნელი იყო. კარიმ აღნიშნა, რომ ამ მაჩვენებელს მხოლოდ ათმა მოთამაშემ მიაღწია ერთი ფრენჩაიზის შემადგენლობაში, რაც მისთვის განსაკუთრებულ მნიშვნელობას ატარებს.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს