კომპანია Intel-მა ნახევარგამტარული ინდუსტრიის ცნობილი ფიგურა, ლიპ-ბუ ტანი გენერალურ დირექტორად დანიშნა, - ამის შესახებ კომპანიამ ოთხშაბათს, გვიან საღამოს განაცხადა. ტანი დროებით თანა-გენერალურ დირექტორებს, დევიდ ზინსნერსა და მიშელ ჯონსტონ ჰოლტჰაუსს შეცვლის. Intel-ის განცხადებით, ის ასევე დაბრუნდება დირექტორთა საბჭოში 2024 წლის აგვისტოში საბჭოდან წასვლის შემდეგ. ზინსნერი Intel-ის ფინანსურ დირექტორად დარჩება, ხოლო ჯონსტონ ჰოლტჰაუსი კომპანიის Intel Products-ის განყოფილების გენერალური დირექტორის პოსტს შეინარჩუნებს.
მალაიზიაში დაბადებული, ტექნოლოგიებში დიდი ხნის ინვესტორი ტანი, წარსულში Cadence Design Systems-ის გენერალური დირექტორი იყო. მას ენერგეტიკულ ფირმებში EDS Nuclear-სა და ECHO Energy-ში მენეჯერის პოზიცია ეკავა და 1987 წელს ვენჩურული კაპიტალის ფირმა Walden International-ის დაფუძნებამდე Walden USA-ის საინვესტიციო ფონდის პარტნიორი იყო. ტანს გამორჩეული კავშირები აქვს ტექნოლოგიურ ინდუსტრიაში და არის Hewlett Packard Enterprise-ის, Schneider Electric-ისა და SoftBank-ის დირექტორთა საბჭოების წევრი. ის ასევე ფართოდაა აღიარებული, როგორც ბიზნეს ლიდერი.
მას შემდეგ, რაც Intel-მა ტანის დანიშვნა გამოაცხადა, კომპანიის აქციები ვაჭრობის შემდგომ საათებში დაახლოებით 11%-ით გაიზარდა.
Intel ჩემი ხელმძღვანელობით იქნება საინჟინროზე ორიენტირებული კომპანია", - განაცხადა ტანმა განცხადებაში. "ჩვენ ყველაფერს გავაკეთებთ იმისთვის, რომ შევიმუშაოთ საუკეთესო პროდუქტები, ყურადღებით მოვუსმინოთ ჩვენს მომხმარებლებს და ვიქონიოთ პასუხისმგებლობა ჩვენს მიერ აღებულ ვალდებულებებზე, რათა ნდობა ავამაღლოთ. ჩვენ ასევე გვაქვს პასუხისმგებლობა ჩვენი აქციონერების წინაშე — რაზეც თანაბრად ვარ ორიენტირებული და ველოდები, რომ ეს ჩვენს მომხმარებლებზე განახლებული ყურადღების შედეგი იქნება.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს