"მანჩესტერ იუნაიტედი" გრანდიოზულ პროექტს იწყებს. კლუბი გეგმავს ახალი, 100,000 მაყურებელზე გათვლილი სტადიონის აშენებას, რომელიც "ოლდ ტრაფორდის" სიახლოვეს განთავსდება. პროექტის სავარაუდო ღირებულება 2 მილიარდ ფუნტ სტერლინგს შეადგენს.
კლუბის თანამფლობელმა, სერ ჯიმ რეტკლიფმა განაცხადა, რომ სურს მსოფლიოში საუკეთესო საფეხბურთო სტადიონის აშენება. პროექტის განხორციელება დამოკიდებულია მთავრობის მხარდაჭერაზე და რეგიონის რეგენერაციის პროგრამის წარმატებაზე.
მიუხედავად იმისა, რომ მსგავსი მასშტაბის პროექტების განხორციელებას, ჩვეულებრივ, ათი წელი სჭირდება, კლუბი იმედოვნებს, რომ მშენებლობის ვადას მანჩესტერის სანაოსნო არხის გამოყენებით ხუთ წლამდე შეამცირებს. სტადიონის დიდი ნაწილების ქარხნულად დამზადება და ადგილზე ტრანსპორტირება დააჩქარებს პროცესს.
ჯერჯერობით უცნობია, რა ბედი ელის "ოლდ ტრაფორდს". სავარაუდოდ, ძველი სტადიონი დაინგრევა, რადგან ახალი არენა მის სიახლოვეს აშენდება. კლუბის ხელმძღვანელობა განიხილავს ვარიანტს, რომ ქალთა და ახალგაზრდული გუნდებისთვის "ოლდ ტრაფორდი" მცირე ზომის სტადიონად გადაკეთდეს, თუმცა ეს ნაკლებად სავარაუდოა.
კლუბის მიზანია, ქალთა გუნდის გულშემატკივართა ბაზა იმდენად გაიზარდოს, რომ მათ მთავარ სტადიონზე თამაში შეძლონ. ამისთვის იგეგმება მოედნის თანამედროვე ტექნოლოგიების გამოყენება, რომელიც უზრუნველყოფს საფარის იდეალურ მდგომარეობას როგორც მამაკაცთა, ისე ქალთა გუნდებისთვის.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს