კომპანია Meta-მ ახლახან წარმოადგინა Ray-Ban-ის ჭკვიანი სათვალეების ახალი, განსაკუთრებული მოდელი, რომელიც შეზღუდული რაოდენობით გამოვა. ეს არის Meta-სა და მოდის ბრენდ Coperni-ს პირველი კოლაბორაცია.
სათვალეებს აქვს Ray-Ban Wayfarer-ის კლასიკური ჩარჩო, თუმცა გამჭვირვალე შავი ფერის, Coperni-ს ლოგოთი და ნაცრისფერი სარკისებური ლინზებით. აღსანიშნავია, რომ Meta-მ უკვე გამოუშვა ჭკვიანი სათვალეების შეზღუდული გამჭვირვალე ვერსია, რომლის ფასიც 429 დოლარი იყო, მაგრამ ეს მოდელი განსხვავდება და Coperni-ს ბრენდირებას ატარებს.
Coperni არის ფრანგული ბრენდი, რომელიც ცნობილია მოდისა და ტექნოლოგიების შერწყმით. მათ შექმნეს ჩანთა, რომელიც iPhone-ის ჩანთის ემოჯის ჰგავს და ასევე წარმოადგინეს Swipe Bag Air, ჩანთა, რომელიც 99%-ით ჰაერისგან შედგება.
Meta მხოლოდ 3600 ცალ სათვალეს გამოუშვებს, რომელთა ფასი 549 დოლარი იქნება. შედარებისთვის, Ray-Ban Meta-ს ორიგინალი სათვალეების ფასი 299 დოლარიდან იწყება. სათვალეები უკვე ხელმისაწვდომია Coperni-ს, Meta-სა და Ray-Ban-ის ვებგვერდებზე.
ტექნიკურად, ეს სათვალეები Meta-ს სტანდარტული მოდელის იდენტურია. მათ აქვთ 12 MP კამერა ფოტოებისა და ვიდეოების გადასაღებად, 32 GB მეხსიერება, Meta AI, რომელიც საშუალებას გაძლევთ გაიგოთ მეტი იმის შესახებ, რასაც უყურებთ, გააკეთოთ ჩანაწერები და თარგმნოთ ენები, განახორციელოთ ზარები და სხვა. Meta-მ ახლახან დაამატა Shazam-ის მხარდაჭერა, რაც საშუალებას გაძლევთ მოძებნოთ და დაუკრათ კონტენტი Spotify-სა და Amazon Music-ზე თქვენი ხმით, ასევე Meta AI-ს შეუძლია დაგეხმაროთ საგნების დამახსოვრებაში.
Meta-ს განცხადებით, ახალი AI-ს და ლაივ თარგმანის ფუნქციები ამჟამად ტესტირების პროცესშია, რაც ინგლისურ, ესპანურ, ფრანგულ ან იტალიურ ენებზე რეალურ დროში თარგმნის საშუალებას იძლევა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს