ნილ რობერტსონმა ბრწყინვალე გამარჯვება მოიპოვა სნუკერის მსოფლიო გრან-პრიზე. ფინალში მან სტიუარტ ბინგემი ანგარიშით 10-0 დაამარცხა და ეს ტიტული მეორედ მოიპოვა. ავსტრალიელმა სნუკერისტმა პირველი სესია დამაჯერებლად მოიგო, რვა ფრეიმიდან ყველა თავის სასარგებლოდ დაასრულა. ჰონგ-კონგში გამართულ გადამწყვეტ შეხვედრაში კი გამარჯვება იოლად გაიფორმა.
ამ გამარჯვებით, 43 წლის რობერტსონმა კარიერაში 25-ე რეიტინგული ტურნირი მოიგო და ყველა დროის საუკეთესო მოთამაშეთა სიაში მეშვიდე ადგილზე გადაინაცვლა.
მსოფლიო გრან-პრის საპრიზო ფონდი 180,000 ფუნტ სტერლინგს შეადგენდა. ტურნირი პირველად გაიმართა დიდი ბრიტანეთის ფარგლებს გარეთ. ამ გამარჯვებამ რობერტსონი მსოფლიო რეიტინგში მე-19 ადგილიდან მე-11-ზე აიყვანა და მსოფლიო ჩემპიონატზე თესვის გარანტია მოუტანა.
შეგახსენებთ, რომ გასულ წელს რობერტსონმა მსოფლიო ჩემპიონატზე კვალიფიკაცია ვერ გაიარა, რაც 2004 წლის შემდეგ პირველად მოხდა. ჰონგ-კონგმა 35 წლის შემდეგ პირველად უმასპინძლა სნუკერის რეიტინგულ ტურნირს. რობერტსონმა აღნიშნა, რომ ჰონგ-კონგში ყოველთვის უნდა იმართებოდეს მსგავსი დონის შეჯიბრებები.
2022 წლის შემდეგ ეს რობერტსონის მხოლოდ მეორე ტიტულია. ფინალურ შეხვედრაში მან რამდენიმე მაღალი სერია შეასრულა, მათ შორის 87, 104, 71 და 59 ქულა.
ბინგემი, რომელიც ექვსი წლის შემდეგ პირველად თამაშობდა რეიტინგული ტურნირის ფინალში, მერვე ფრეიმში 63 ქულა მოიპოვა, თუმცა რობერტსონმა 66-ქულიანი სერიით ფრეიმი შავ ბურთზე მოიგო.
ეს არის მეოთხე შემთხვევა, როდესაც სნუკერისტმა ფინალი "მშრალი ანგარიშით" მოიგო. რობერტსონმა მსგავსი შედეგით 2020 წელს ევროპის მასტერსის ფინალში ჟოუ იუელონგი დაამარცხა (9-0).
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს