"ნიუკასლ იუნაიტედის" ცენტრალური მცველი, სვენ ბოტმანი, მუხლის ტრავმის გამო დაახლოებით რვა კვირის განმავლობაში მოედანზე ვერ გავა. ამის შესახებ გუნდის მთავარმა მწვრთნელმა, ედი ჰაუმ განაცხადა.
25 წლის ნიდერლანდელი ფეხბურთელი, რომელმაც 2022 წელს "ნიუკასლს" ფრანგული "ლილიდან" შეუერთდა, მოედანს 10 თვის განმავლობაში ვერ უბრუნდებოდა, რადგან 2024 წლის მარტში წინა ჯვარედინი იოგები გაიწყვიტა. ახლა კი მან მეორე მუხლი დაიზიანა.
მიმდინარე სეზონში ბოტმანმა მხოლოდ ხუთ მატჩში მიიღო მონაწილეობა და ბოლო ხუთი შეხვედრა სწორედ ამ ახალი ტრავმის გამო გამოტოვა. პრობლემის მოსაგვარებლად მას ოპერაცია დასჭირდება, რის გამოც მოედანს დაახლოებით ორი თვით ჩამოშორდება.
ჰაუს განცხადებით, გუნდი ცდილობდა ბოტმანის სრული ფიზიკური კონდიციის აღდგენას და ის "ბრაიტონთან" მატჩთან ახლოს იყო, თუმცა, შეხვედრამდე ერთი დღით ადრე მუხლში დისკომფორტი კვლავ იგრძნო. ამის გამო, სავარაუდოდ, ოპერაციის გაკეთება მოუწევს. ოპერაციის შედეგად მუხლიდან სითხის ამოღება მოხდება და ფეხბურთელი მალე დაუბრუნდება მოედანს.
ბოტმანი "ნიუკასლის" იმ ფეხბურთელების სიას შეუერთდა, რომლებიც 16 მარტს "ლივერპულის" წინააღმდეგ კარაბაოს თასის ფინალში ვერ ითამაშებენ. ამ სიაში ასევე არიან მცველი ლუის ჰოლი, რომელმაც ფეხის ტრავმის გამო სეზონი დაასრულა და თავდამსხმელი ენტონი გორდონი, რომელიც "ბრაიტონთან" ინგლისის თასის მეხუთე რაუნდის მატჩში გააძევეს. გორდონს ვემბლის სტადიონზე გასამართ ფინალში თამაში აეკრძალა, რადგან "ნიუკასლმა" მისი გაძევების გასაჩივრება არ ისურვა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს