Chromecast-ის მეორე თაობისა და Chromecast Audio-ს მომხმარებლები გარკვეულ სირთულეებს აწყდებიან. მოწყობილობა კონტენტის გადაცემას ვერ ახერხებს და ეკრანზე შემდეგი შეტყობინებები ჩნდება: "მოწყობილობა არ არის სანდო: [სახელი] ვერ გადამოწმდა. შესაძლოა, პრობლემა მოძველებულ პროგრამულ უზრუნველყოფაშია" ან "Chromecast-ის ავტორიზაცია ვერ მოხერხდა".
მომხმარებლები სხვადასხვა ხერხს მიმართავენ პრობლემის გადასაჭრელად, მათ შორის მოწყობილობის გადატვირთვას, Google Home-ის ხელახლა ინსტალაციას, მოწყობილობის Google Home-დან წაშლას და ხელახლა დამატებას, ქარხნულ პარამეტრებზე დაბრუნებას, ქეშის გასუფთავებასა და ქსელის შეცვლას, თუმცა ამ მცდელობებს შედეგი არ მოაქვს.
პრობლემა, როგორც ჩანს, მხოლოდ ძველ Chromecast-ებს ეხება, რადგან მესამე თაობისა და Chromecast Ultra-ს მომხმარებლებისგან მსგავსი შეტყობინებები არ დაფიქსირებულა.
Google-ის წარმომადგენელმა განაცხადა, რომ კომპანია პრობლემის შესახებ ინფორმირებულია და მის გამოსწორებაზე მუშაობს. მან ასევე ურჩია მომხმარებლებს, თავი შეიკავონ მოწყობილობის ქარხნულ პარამეტრებზე დაბრუნებისგან, თუმცა თუ ეს უკვე გააკეთეს, უახლოეს მომავალში მათთვის ინსტრუქცია გამოქვეყნდება, რომელიც მოწყობილობის აღდგენაში დაეხმარებათ.
ზოგიერთი მომხმარებელი ვარაუდობს, რომ პრობლემა Google-ის სერვერზე ვადაგასულმა სერტიფიკატმა გამოიწვია. თუ ეს ასეა, პრობლემის მოგვარება მხოლოდ Google-ს შეუძლია და მომხმარებლებს მხოლოდ ლოდინი რჩებათ.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს