2025 წლის სეზონი ავსტრალიის გრან-პრიზე ლანდო ნორისის გამარჯვებით დაიწყო, რომელმაც მაქს ვერსტაპენი დაამარცხა. რბოლა საკმაოდ დაძაბული და ავარიებით სავსე გამოდგა. ლუის ჰემილტონმა კი, "ფერარის" შემადგენლობაში პირველი რბოლა მეათე ადგილზე დაასრულა.
ცვალებადმა ამინდმა რამდენიმე ავარია, უსაფრთხოების მანქანის სამჯერ გამოჩენა და სტარტის გადადება გამოიწვია.
ბევრს აინტერესებს, რამდენ ხანს დასჭირდება ჰემილტონს ახალ გუნდთან შეგუება და შარლ ლეკლერთან კონკურენციის გაწევა. თავად ჰემილტონი ხშირად საუბრობს იმაზე, რომ "ფერარიში" გადასვლის შემდეგ, მას ახალი რამის სწავლა მოუწევს, რათა მაქსიმალური შედეგი აჩვენოს.
ავსტრალიის რბოლის დროს, ის ხშირად ახსენებდა სიტყვა "მშენებლობას", რაც გულისხმობს იმ ცოდნის დაგროვებას, რომელიც მას სჭირდება "ფერარის" ბოლიდისა და გუნდის კონტექსტში საუკეთესო შედეგის მისაღწევად. ეს მოიცავს ბოლიდის ქცევას ტრასაზე, სისტემების მუშაობას (რაც ურთიერთდაკავშირებულია) და გუნდთან კომუნიკაციას, როგორც ბოლიდში, ისე მის გარეთ.
მელბურნში გამართული რბოლის დროს, აშკარა იყო, რომ ეს პროცესები ჯერ კიდევ არ იყო სრულყოფილი. ჰემილტონმა აღნიშნა, რომ ამ შაბათ-კვირას ბევრი რამ ისწავლა და მომავალი რბოლისთვის გარკვეული ცვლილებების შეტანას გეგმავს.
მაშ, რამდენ ხანს გაგრძელდება ეს პროცესი? ამ კითხვაზე პასუხის გაცემა რთულია. თუმცა, ჰემილტონი, რა თქმა უნდა, თვლის, რომ მას შეუძლია ლეკლერთან კონკურენცია.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს