რუმინეთში ულტრამემარჯვენე საპრეზიდენტო კანდიდატს არჩევნებში მონაწილეობა აეკრძალა

რუმინეთში, მაისში დაგეგმილ საპრეზიდენტო არჩევნების განმეორებით ტურში, ცენტრალურმა საარჩევნო ბიურომ (ცსბ) ულტრამემარჯვენე პოპულისტ კანდიდატს, კალინ გეორგესკუს, მონაწილეობა აუკრძალა, რამაც მისი მხარდამჭერებისა და პოლიციის შეტაკებები გამოიწვია.

გასულ წელს, რუმინეთის საკონსტიტუციო სასამართლომ ნოემბერში ჩატარებული არჩევნების პირველი ტური გააუქმა, რომელშიც გეორგესკუმ გაიმარჯვა. მიზეზი სადაზვერვო ინფორმაცია გახდა, რომლის თანახმადაც რუსეთი 800-მდე TikTok ანგარიშის მეშვეობით მის მხარდაჭერას ახორციელებდა.

ცსბ-მ კვირას მისი კანდიდატურა არ დაარეგისტრირა და განაცხადა, რომ ის "არ აკმაყოფილებს კანონიერების მოთხოვნებს", ვინაიდან "დაარღვია დემოკრატიის დაცვის ვალდებულება".

გეორგესკუმ აღნიშნული გადაწყვეტილება "პირდაპირ დარტყმად" შეაფასა დემოკრატიის წინააღმდეგ. მას კვირას გამოტანილი განაჩენიდან 24 საათის განმავლობაში შეუძლია უმაღლეს სასამართლოში ოფიციალური საჩივრის შეტანა, რომელმაც გადაწყვეტილება 72 საათის განმავლობაში უნდა გამოიტანოს.

სოციალურ ქსელში გამოქვეყნებულ განცხადებაში გეორგესკუმ აკრძალვა "მსოფლიო დემოკრატიის გულში დარტყმად" შეაფასა.

პრეზიდენტობის კანდიდატის მხარდამჭერების წინააღმდეგ ცრემლსადენი გაზი გამოიყენეს, როდესაც მათსა და პოლიციას შორის ძალადობრივი შეტაკებები მოხდა დედაქალაქ ბუქარესტში, ცსბ-ს ოფისებთან ათასობით ადამიანის შეკრებისას.

არსებული ინფორმაციით, მინიმუმ ერთი ავტომობილი გადააბრუნეს და მიმდებარე ბარების ფანჯრები ჩაამსხვრიეს. სულ მცირე ოთხი ადამიანი დააკავეს.

მიუხედავად იმისა, რომ ბევრმა მომიტინგემ დატოვა ტერიტორია, რამდენიმე ასეული ადამიანი დარჩა და აგრძელებდა ჩხუბს სპეცრაზმთან, რომელმაც დამატებითი ძალები მოიყვანა და ტერიტორიის გადაკეტვას ცდილობდა.

26 თებერვალს გეორგესკი დააკავეს ზაფხულის არჩევნებში კანდიდატად რეგისტრაციისთვის მიმავალ გზაზე, რამაც ათი ათასობით რუმინელი აიძულა ბუქარესტის ქუჩებში პროტესტის ნიშნად გამოსულიყვნენ.

მას კონსტიტუციური წყობის დამხობის მცდელობასა და ნეოფაშისტური ორგანიზაციის წევრობაში დასდეს ბრალი. მან ყველა ბრალდება უარყო.

62 წლის დამოუკიდებელმა კანდიდატმა მოულოდნელად გაიმარჯვა გასული წლის არჩევნების პირველ ტურში, რომლის შედეგებიც მეორე ტურამდე რამდენიმე დღით ადრე გაუქმდა.

მისი მოულოდნელი პოპულარობის ერთ-ერთი მთავარი მიზეზი იყო დაპირება "რუმინეთის ღირსების აღდგენისა" და იმ საერთაშორისო ორგანიზაციების მიმართ მორჩილების დასრულების შესახებ, რომელთა წევრიც ის არის, მათ შორის ნატო და ევროკავშირი.

გასული წლის გაუქმებამდე, პრორუსმა პოლიტიკოსმა განაცხადა, რომ არჩევნებში გამარჯვების შემთხვევაში უკრაინის მხარდაჭერას შეწყვეტდა.

გეორგესკუს მხარდაჭერა ტრამპის ადმინისტრაციის მხრიდანაც აქვს.

გასულ თვეში აშშ-ის ვიცე-პრეზიდენტმა ჯ.დ. ვენსმა რუმინეთი დაადანაშაულა არჩევნების გაუქმებაში რუმინული დაზვერვის "სუსტი ეჭვებისა" და მეზობლების ზეწოლის საფუძველზე.

ამასობაში, რუმინეთის საგარეო საქმეთა მინისტრმა ემილ ჰურეზეანუმ ილონ მასკი რუმინეთის არჩევნებში "ჩარევის ფორმაში" დაადანაშაულა, მას შემდეგ, რაც მილიარდერმა გეორგესკუს მხარდასაჭერი რამდენიმე შეტყობინება გამოაქვეყნა.

გაისმის მოწოდებები დიდი ბრიტანეთიდან ძმები ტეიტების "სასწრაფო" ექსტრადირების შესახებ.

კალინ გეორგესკი მაისის არჩევნების ფავორიტია, თუმცა მას ჯერ კანდიდატად რეგისტრაცია ვერ მოახერხა.

ძმებმა ტეიტებმა დატოვეს რუმინეთი, სადაც მათ გაუპატიურებისა და ადამიანებით ვაჭრობის ბრალდებები აქვთ წაყენებული, რასაც ისინი უარყოფენ.

ფლორიდის გენერალურმა პროკურორმა გამომძიებლებს საძიებო ორდერებისა და სასამართლო უწყებების გაცემის ბრძანება გასცა.

ძმები ტეიტების მოულოდნელმა გამგზავრებამ კერძო თვითმფრინავით ახალი დაბნეულობა და პასუხგაუცემელი კითხვები დატოვა.