მანჩესტერ იუნაიტედს ჟან-ფილიპ მატეტას სანაცვლოდ 40 მილიონი ფუნტის გადახდა მოუწევს. კრისტალ პალასის 27 წლის ფრანგი თავდამსხმელის შეძენა იოლი არ იქნება. ფულემი ასევე მზადაა განიხილოს ანტონი რობინსონის ტრანსფერი, თუმცა მხოლოდ 40 მილიონ ფუნტზე მეტი შემოთავაზების შემთხვევაში. 27 წლის ამერიკელი მარცხენა მცველით ლივერპული და მანჩესტერ იუნაიტედი არიან დაინტერესებულნი.
რომას შესაძლოა ზაფხულში ტემი აბრაჰამის გაყიდვა მოუწიოს, რადგან მილანი იჯარით აყვანილი თავდამსხმელის გამოსყიდვას არ აპირებს, ხოლო 27 წლის ინგლისელი ფეხბურთელი კლუბის სამომავლო გეგმებში არ შედის. ვესტ ჰემი, ვულვზი და ევერტონი აბრაჰამით ინტერესდებიან, ვესტ ჰემმა კი მოლაპარაკებებიც დაიწყო მის წარმომადგენლებთან.
ლისაბონის სპორტინგის თავდამსხმელმა ვიქტორ გიოკერეშმა ზაფხულში პორტუგალიური კლუბიდან წასვლისთვის მზადება დაიწყო. მანჩესტერ იუნაიტედი კვლავინდებურად დაინტერესებულია 26 წლის შვედი ფეხბურთელით. არსენალზე დიდი შთაბეჭდილება მოახდინა ბოლონიის არგენტინელმა თავდამსხმელმა სანტიაგო კასტრომ, რომელსაც სკაუტები ამ სეზონში აკვირდებოდნენ. იტალიელი ანდრეა ბერტა არსენალის ახალი სპორტული დირექტორი გახდება და კონტრაქტს მომავალი კვირის დასაწყისში გააფორმებს.
ტოტენჰემი ბორნმუთის განელი გარემარბის, ანტუან სემენიოს სანაცვლოდ დაახლოებით 40 მილიონ ევროს (33.6 მილიონი ფუნტი) შესთავაზებს. ჩელსი ფეიენოორდის დავიდ ჰანკოს აკვირდება, ტოტენჰემიც დაინტერესებულია 27 წლის სლოვაკი მცველით. ევერტონი შეეცდება დანიელი ნახევარმცველის, კრისტიან ნორგაარდის დამატებას, როდესაც მას ბრენტფორდთან კონტრაქტი ზაფხულში ამოეწურება.
იუვენტუსმა და ბრაზილიელმა ნახევარმცველმა დუგლას ლუიზმა შესაძლოა ნიუკასლისა და იტალიელ ნახევარმცველ სანდრო ტონალისთან გაცვლა მოხდეს ამ ზაფხულს. ნიუკასლი დაინტერესებულია 19 წლის ესპანელი გარემარბის, ასანე დიაოს შეძენით, რომელიც კომოში თამაშობს. ინტერს მარკუს ტიურამის ახალი კონტრაქტის გაფორმება სურს, რადგან 27 წლის ფრანგ თავდამსხმელს ამჟამად 85 მილიონი ევროს (71.3 მილიონი ფუნტი) გამოსასყიდი თანხა აქვს. აინტრახტი ფრანკფურტი ყურადღებით აკვირდება 20 წლის თურქი გარემარბის, არდა გიულერის სიტუაციას რეალ მადრიდში.
ბარსელონას ყოფილმა მწვრთნელმა და ესპანელმა სპეციალისტმა ხავიმ განაცხადა, რომ მწვრთნელობას დაუბრუნდება და ლა ლიგის სხვა გუნდში მუშაობასაც დათანხმდება.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს