საფეხბურთო ტრანსფერების ჭორიკანა: "ჩელსი" მაინუსთვის იბრძვის

ლონდონის "ჩელსი" აქტიურად შეეცდება "მანჩესტერ იუნაიტედის" ახალგაზრდა ინგლისელი ნახევარმცველის, კობი მაინუს შეძენას. კლუბში შეშფოთებულნი არიან ბელგიელი რომეო ლავიას ჯანმრთელობის მდგომარეობასთან დაკავშირებით. ამასობაში, "მილანი" განიხილავს "კრისტალ პალასის" მარცხენა მცველის, ტაირიკ მიტჩელის კანდიდატურას, რადგან მოსალოდნელია ფრანგი თეო ერნანდესის გუნდიდან წასვლა. კალვინ ფილიპსი, რომელმაც სეზონი იპსვიჩში იჯარით გაატარა, შესაძლოა ზაფხულში "ლიდსში" დაბრუნდეს. "მანჩესტერ სიტი" ყურადღებით აკვირდება მადრიდის "რეალის" ფრანგ ნახევარმცველ ედუარდო კამავინგას. "არსენალი" ნიუკასლის ბრაზილიელი ნახევარმცველის, ბრუნო გიმარაეშის შეძენას გეგმავს. "მანჩესტერ იუნაიტედი" პორტუს ესპანელი თავდამსხმელის, სამუ აგეჰოვას ტრანსფერზე ფიქრობს, რომლის გამოსასყიდი თანხა საკმაოდ დიდია. ადემოლა ლუკმანი, სავარაუდოდ, ზაფხულში დატოვებს "ატალანტას" და ნიგერიელი თავდამსხმელი პრემიერ ლიგაში დაბრუნებას არ გამორიცხავს, მას "ჩელსისა" და "არსენალს" უკავშირებენ. "ლივერპული" განიხილავს "ბრაიტონის" ჰოლანდიელი მცველის, იან პაულ ვან ჰეკეს შეძენის შესაძლებლობას. მაიკლ კინის მიმართ, რომელსაც "ევერტონთან" კონტრაქტი ეწურება, ინტერესს იჩენენ საუდის არაბეთის კლუბები, "დალასი" და "ვულვზი". "ევერტონი", "მარსელი" და "სევილია" "რეინჯერსის" მაროკოელი თავდამსხმელით, ჰამზა იგამანეთი არიან დაინტერესებულნი. ფიკაიო ტომორი კვლავ ტრანსფერების ბაზარზეა, მას იანვარში "იუვენტუსსა" და "ტოტენჰემში" გადასვლა თითქმის გადაწყვეტილი ჰქონდა, ინგლისელი მცველი დაახლოებით 20 მილიონ ევროდ არის ხელმისაწვდომი. თეო ერნანდესი შესაძლოა ზაფხულში "მილანიდან" 30 მილიონ ევროდ წავიდეს. "ბრაიტონის" შვედი ნახევარმცველი, იასინ აიარი "დორტმუნდისა" და "მილანის" ყურადღების ცენტრშია. "ევერტონი" შეეცდება აბდულაი დუკურეს ხელფასის შემცირებას ახალ კონტრაქტში, მას შემდეგ, რაც კლუბმა არ გაააქტიურა მალელი ნახევარმცველის კონტრაქტის ერთი წლით გახანგრძლივების პუნქტი. პოლ პოგბას დისკვალიფიკაცია ამ კვირაში სრულდება, მაგრამ შეთავაზებების მიუხედავად, ფრანგ ნახევარმცველს ჯერ არ გადაუწყვეტია, სად გააგრძელებს კარიერას "იუვენტუსიდან" წასვლის შემდეგ. შოტლანდიელი თავდამსხმელი რობი იური შვედეთში გაემგზავრება, რათა "ანდერლეხტიდან" "იკ სირიუსში" გადავიდეს.