საფრანგეთის მორაგბეთა ნაკრების კაპიტანმა, ანტუან დიუპონმა, ირლანდიასთან გამართულ შეხვედრაში მუხლის სერიოზული ტრავმა მიიღო, რამაც გუნდში დიდი შეშფოთება გამოიწვია. ინციდენტი პირველი ტაიმის მიწურულს მოხდა, როდესაც ირლანდიელი მორაგბე, ტადგ ბირნი, მოლის დროს დიუპონს ფეხზე დაეცა. დაზიანება იმდენად სერიოზული ჩანდა, რომ დიუპონს მოედნის დატოვება დახმარებით მოუხდა.
საფრანგეთის ნაკრების მთავარმა მწვრთნელმა, ფაბიენ გალტიემ, მატჩის შემდეგ განაცხადა, რომ მომხდარით განრისხებულია და მომხდარ ეპიზოდში ირლანდიელი მოთამაშეების, ბირნისა და პორტერის ქმედებების გამოძიებას მოითხოვს. გალტიეს თქმით, საჭიროა მოთამაშეების დაცვა და მსგავსი ინციდენტების პრევენცია. მისივე განცხადებით, მომხდარი ეპიზოდი მსაჯს ვიდეორეფერის დახმარებით უნდა გადაემოწმებინა.
ირლანდიის ნაკრების დროებითმა მწვრთნელმა, საიმონ ისტერბიმ, მომხდარი უბედურ შემთხვევად შეაფასა და აღნიშნა, რომ ბირნი ცდილობდა ბურთის მოპოვებას და დიუპონთან კონტაქტი შემთხვევით მოხდა.
საფრანგეთის ნაკრები მომდევნო მატჩს შოტლანდიის წინააღმდეგ გამართავს, ხოლო ირლანდია იტალიას დაუპირისპირდება. დიუპონის ტრავმის სიმძიმე და მისი მოედანზე დაბრუნების ვადები ჯერჯერობით უცნობია.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს