ლონდონის "უემბლის" სტადიონზე შაბათს გამართულმა "საიდმენ FC"-ის საქველმოქმედო მატჩმა, რომელზეც ყველა ბილეთი გაიყიდა, 4,733,004 ფუნტი სტერლინგი შეაგროვა სხვადასხვა საქველმოქმედო ორგანიზაციისთვის, მათ შორის BBC Children in Need-ისთვის.
დაძაბულ პენალტების სერიაში "YouTube Allstars"-მა დაამარცხა "საიდმენ FC", ძირითადი დრო კი ფრედ, ანგარიშით 9-9 დასრულდა.
"საიდმენი" შვიდი კონტენტ კრეატორის, მუსიკოსისა და მოკრივე KSI-სგან შემდგარი ჯგუფია, რომელთაც YouTube-ზე ჯამში 146 მილიონზე მეტი გამომწერი ჰყავთ.
ორგანიზატორების განცხადებით, პირდაპირ ეთერში მატჩს მსოფლიოს მასშტაბით 8 მილიონზე მეტმა ადამიანმა უყურა.
განცხადებაში ასევე აღნიშნულია, რომ თამაშზე გასაყიდად გამოტანილი 90,000 ბილეთი სამ საათში გაიყიდა.
"საიდმენის" განცხადებით, მათ თითქმის ორჯერ მეტი თანხა შეაგროვეს, ვიდრე წინა საქველმოქმედო მატჩზე, რომელიც 2023 წელს ლონდონის "ვესტ ჰემის" სტადიონზე გაიმართა და 2 მილიონი ფუნტი შეაგროვდა.
სხვა საქველმოქმედო ორგანიზაციები, რომლებიც სარგებელს მიიღებენ, არის Bright Side, რომელიც აფინანსებს თანაბარი შესაძლებლობების მხარდამჭერ ორგანიზაციებს და საგანმანათლებლო საქველმოქმედო ორგანიზაცია M7 Education.
ორივე გუნდის კაპიტნები იყვნენ "საიდმენის" წევრი Miniminter "საიდმენ FC"-დან და IShowSpeed "YouTube Allstars"-დან.
YouTube-ის ფენომენი Mr Beast ასევე თამაშობდა "All Stars"-ის შემადგენლობაში.
პირველი ტაიმის შემდეგ ანგარიში იყო 4-4, ხოლო შესვენების დროს მოულოდნელი წარმოდგენები გამართეს რეპერმა AJ Tracey-მ და "საიდმენის" წევრმა KSI-მ, რომელმაც შეასრულა თავისი სიმღერა Thick Of It.
მაღალი ანგარიშით, 9-9 დასრულებული მატჩის შემდეგ, "YouTube All Stars"-მა გამარჯვება პენალტების სერიაში მოიპოვა.
"საიდმენის" შვიდი წევრი, რომლებმაც საძინებლებში სათამაშო კონტენტის შექმნით დაიწყეს, მრავალმილიონიანი ინტერნეტ იმპერიის მფლობელები გახდნენ.
მათი YouTube არხების ნახვების რაოდენობა მთელ მსოფლიოში 6 მილიარდს აჭარბებს, განაცხადეს წარმომადგენლებმა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს