ცნობილი გახდა, რომ სასექსის ჰერცოგინია მეგანის შოუ, სახელწოდებით "სიყვარულით, მეგანი", მეორე სეზონით გაგრძელდება. Netflix-ის აღნიშნული გადაცემა, რომელიც რვა ეპიზოდისგან შედგება, მაყურებელს კალიფორნიის ერთ-ერთ მამულში მეგანის მიერ მეგობრებისა და ცნობილი სახეებისთვის კულინარიული, მებაღეობისა და მასპინძლობის რჩევების გაზიარებას სთავაზობს. შოუს პირველი სერია სტრიმინგ პლატფორმაზე სამშაბათს გამოვიდა.
ამასთან, მეგანმა ოფიციალურად წარადგინა საკუთარი ახალი ბრენდი "As Ever", რომლის განახლებულ ვებგვერდზე უკვე გამოჩნდა ინფორმაცია, რომ პირველ პროდუქტებს შორის ჟოლოს ჯემი და საკონდიტრო მოსართავები იქნება.
Netflix-ის ოფიციალურმა ვებგვერდმა "Tudum"-მა დაადასტურა, რომ შოუს მეორე სეზონის გადაღებები დასრულებულია და ის შემოდგომაზე გავა ეთერში.
აღნიშნული განცხადება პირველი სერიის კრიტიკული შეფასებების ფონზე გაკეთდა, როგორც დიდ ბრიტანეთში, ისე ამერიკის შეერთებულ შტატებში. ზოგიერთი გამოცემა შოუს "უაზრო ლაიფსტაილ ფილერად" და "ნარცისიზმის გამოვლინებად" აფასებს.
მიუხედავად კრიტიკისა, შოუ მაინც მოგვითხრობს მეგანის მიერ მონტესიტოში მდებარე ულამაზეს სახლში (თუმცა არა მის საკუთრებაში) სხვადასხვა კერძისა და საჩუქრის მომზადების პროცესზე. ის ამზადებს პასტას, ბოსტნეულის ასორტს, ფოკაჩას, ფრიტატასა და გამომცხვარ თევზს, ასევე მაყურებელს უზიარებს რჩევებს, თუ როგორ გაახაროს სტუმრები, როგორ მოაწყოს ყვავილები და როგორ დაამზადოს აბაზანის მარილები სახლის პირობებში.
პირველ სერიაში სტუმრებს შორის იყვნენ ამერიკელი მსახიობი და პროდიუსერი მინდი კალინგი, ცნობილი შეფ-მზარეული როი ჩოი, დიზაინერი ტრეისი რობინსი და კოსმეტიკური ბიზნესის მეწარმე ვიქტორია ჯექსონი.
მეგანმა Instagram-ზე გამოაქვეყნა ვიდეო, სადაც ქუდზე წარწერა "Lettuce romaine calm" (დამშვიდდით, სალათის ფოთოლი) აქვს ამოქარგული. ვიდეოს თან ახლავს წარწერა: "დამშვიდდით, სალათის ფოთოლი... ან არა (!) იმიტომ, რომ ძალიან მიხარია გაცნობოთ, რომ "სიყვარულით, მეგანის" მე-2 სეზონი მოდის!"
მეორე პოსტში მან დაწერა: "თუ მოგწონთ პირველი სეზონი, უბრალოდ დაელოდეთ, სანამ არ ნახავთ, რა მხიარულება მოვამზადეთ მე-2 სეზონში! მადლობა, რომ შემოგვიერთდით წვეულებაზე და უსაზღვრო მადლობა საოცარ გუნდსა და გადამღებ ჯგუფს, რომლებმაც ეს ყველაფერი რეალობად აქციეს!"
პირველი სერია თავდაპირველად იანვარში უნდა გამოსულიყო, მაგრამ ლოს-ანჯელესის ხანძრების გამო მარტამდე გადაიდო. მაშინ Netflix-მა განაცხადა, რომ მომავალი გადაცემა "სამხრეთ კალიფორნიის სილამაზის გულწრფელი ხარკია" და მისი გამოშვება აშშ-ის შტატში "მიმდინარე ნგრევის" გამო გადაიდო.
 onto the Cover of Vogue_971514_7f01d.webp)
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს