ცნობილმა იაპონურმა კომპანია Sony-მ ახალი თაობის ეკრანის ტექნოლოგია შეიმუშავა, რომელიც ფერთა გამის რეპროდუქციის თვალსაზრისით მნიშვნელოვნად აღემატება არსებულ LED და OLED ეკრანებს. ამ ტექნოლოგიის საფუძველში დევს "New RGB LED" სისტემა, რომელიც თითოეული წითელი, მწვანე და ლურჯი ფერის დიოდის ინდივიდუალურ კონტროლს უზრუნველყოფს. ეს საშუალებას იძლევა, რომ თითოეულმა დიოდმა დამოუკიდებლად გამოასხივოს სინათლე, რაც ფერების სიზუსტესა და სიკაშკაშეს საგრძნობლად ზრდის.
ახალი ტექნოლოგია უზრუნველყოფს DCI-P3 ფერთა სივრცის 99%-ის და ITU-R BT.2020 სატელევიზიო სტანდარტის დაახლოებით 90%-ის დაფარვას. Sony-ს მოწინავე განათების კონტროლის ტექნოლოგია მომავალ ტელევიზორებს საშუალებას მისცემს, მაქსიმალური სიზუსტით აჩვენონ კონკრეტული ტონები და გრადაციები. კომპანიის წარმომადგენლები მაგალითად მოჰყავთ შემოდგომის ფოთლების სცენა, სადაც მრავალი წითელი, ყვითელი და ნარინჯისფერი ტონალობაა წარმოდგენილი. ახალი ტექნოლოგია ეკრანის სიკაშკაშეს ფერების გრადაციასთან სინქრონიზებულად არეგულირებს, რაც გამოსახულების განსაკუთრებულ დეტალიზაციას უზრუნველყოფს.
ტრადიციული მაღალი სიკაშკაშის მქონე ტელევიზორები ძირითადად ეკრანზე არსებულ ყველაზე კაშკაშა ელემენტებზე ამახვილებენ ყურადღებას. ამ ელემენტებს შესაძლოა ჰქონდეთ მკვეთრი ფერები, მაგრამ ეს მიიღწევა გამოსახულების დეტალურობის ხარჯზე. ახალი RGB LED ტექნოლოგია უზრუნველყოფს ფერთა მოცულობის გაუმჯობესებას.
აღსანიშნავია, რომ New RGB LED ტექნოლოგიას აქვს სწრაფი სიგნალის დამუშავების შესაძლებლობა, 96 ბიტიანი მაღალი ბიტრეიტით. ეს უზრუნველყოფს ღრმა შავი და კაშკაშა თეთრი ფერების ერთდროულად გამოხატვას, ასევე ფართო ხედვის კუთხეს. ფართო ხედვის კუთხე ამცირებს ფერის ცვლილებისა და სიკაშკაშის ვარიაციის უარყოფით ეფექტებს, რაც ფილმის ხარისხს უცვლელს ტოვებს, მაშინაც კი, როდესაც მას გვერდიდან უყურებთ. Sony ირწმუნება, რომ მისი ტექნოლოგია სცენების ვიზუალური შეცდომების გარეშე ჩვენებას შეძლებს.
ჯერჯერობით უცნობია, როდის გამოვა ბაზარზე New RGB LED ტექნოლოგიის მქონე პირველი ტელევიზორები, თუმცა Sony გვპირდება, რომ სისტემის მასობრივი წარმოება მიმდინარე წელს დაიწყება. ტექნოლოგიური გიგანტი ამ მიმართულებით MediaTek-ის მსგავს ინდუსტრიის პარტნიორებთან თანამშრომლობს. ეს ტექნოლოგია შესაძლოა მნიშვნელოვანი გარდატეხა იყოს სახლის გართობის სფეროში და კინომოყვარულთათვის ნამდვილი აღმოჩენა გახდეს.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს