მიმდინარე კვირის დასაწყისში, სოციალური მედია პლატფორმა X-ის მუშაობაში მნიშვნელოვანი შეფერხებები შეინიშნება. დღის განმავლობაში, მომხმარებლები სისტემაში შესვლასა და მის გამოყენებას ვერ ახერხებენ.
პირველი მასშტაბური შეფერხება დილის ექვს საათზე დაფიქსირდა, რამაც ათასობით მომხმარებლის უკმაყოფილება გამოიწვია. პრობლემა დროებით მოგვარებულად ჩანდა, თუმცა, დილის ცხრა საათიდან შეფერხებები განახლდა და ათ საათისთვის პიკს მიაღწია. მოგვიანებით, ვითარება გარკვეულწილად დასტაბილურდა, მაგრამ თერთმეტის ნახევრისთვის პრობლემები კვლავ გამწვავდა.
X-ის ადმინისტრაციას მომხმარებლებისთვის შეფერხების მიზეზები და მათი აღმოფხვრის გზები ჯერჯერობით არ გაუსაჯაროებია. გაურკვეველია, ტექნიკური ხარვეზია მიზეზი, თუ კიბერშეტევა. პოლიტიკური და სხვა დავების გათვალისწინებით, შესაძლებელია, რომ პლატფორმაზე განხორციელებული შეტევა მიზანმიმართული იყოს.
სანამ X ცდილობს მუშაობის აღდგენას, მომხმარებლებს ალტერნატიული პლატფორმების გამოყენება შეუძლიათ, როგორიცაა Bluesky, Threads და Mastodon, რომლებიც ამჟამად შეუფერხებლად ფუნქციონირებენ.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს