ჰონგ-კონგში მიმდინარე მსოფლიო გრან-პრის ფინალში სტიუარტ ბინგემი ნილ რობერტსონს შეხვდება. ბინგემმა, ექვსი წლის შემდეგ, პირველად მოახერხა რეიტინგულ ტურნირზე ფინალში გასვლა, რაც მსოფლიო რეიტინგის ლიდერ ჯად ტრამპთან დაძაბულ ბრძოლაში გამარჯვების შედეგად მოიპოვა.
2015 წლის მსოფლიო ჩემპიონმა, ინგლისელმა ბინგემმა, ტრამპი ანგარიშით 6-3 დაამარცხა. მანამდე კი, ავსტრალიელმა რობერტსონმა, რომელიც მსოფლიო ჩემპიონი 2010 წელს გახდა, მასტერსის მოქმედ ჩემპიონ შონ მერფისთან შეხვედრაში, 5-3-დან შეძლო მობილიზება და საბოლოოდ 6-5 იმარჯვა.
რობერტსონმა, რომლის ანგარიშზეც სამი სენჩერია, გადამწყვეტ პარტიაში 114 ქულა აიღო და კვირას დაგეგმილ ფინალში ითამაშებს, სადაც გამარჯვებულის გამოსავლენად მაქსიმუმ 19 ფრეიმი იქნება საჭირო.
მსოფლიო გრან-პრამდე რობერტსონი მსოფლიო რეიტინგში მე-19 ადგილს იკავებდა, თუმცა ფინალში გასვლით მან მნიშვნელოვნად გაზარდა შანსები, რომ კვლავ დაუბრუნდეს საუკეთესო 16-ეულს და ავტომატურად მოიპოვოს აპრილში გასამართ მსოფლიო ჩემპიონატზე თამაშის უფლება. გასულ წელს, რობერტსონმა ვერ შეძლო საკვალიფიკაციო ეტაპის გავლა, რითაც შეწყდა მისი 19-წლიანი უწყვეტი სერია "კრუსიბლ თეატრში".
შონ მერფის, რომელმაც 2005 წელს საკვალიფიკაციო ეტაპიდან მოახერხა მსოფლიო ჩემპიონატის მოგება, წელს შესაძლოა კვლავ მოუწიოს ამ გზის გავლა შეფილდში გასამართ ძირითად ბადეში მოსახვედრად. მსოფლიო ჩემპიონატის განთესვისთვის დარჩენილია ორი რეიტინგული ტურნირი - მოთამაშეთა ჩემპიონატი და ტურის ჩემპიონატი.
ბინგემმა, რომელმაც 2016 წელს მსოფლიო გრან-პრის ფინალში ითამაშა, ტრამპთან შეხვედრა დაძაბულ ბრძოლაში დაიწყო, თუმცა შემდეგ მოახერხა უპირატესობის მოპოვება და ანგარიში 5-1 გახადა. ტრამპმა 124 და 72 ქულის აღებით შეძლო თამაშში დაბრუნება, თუმცა გადამწყვეტ მომენტში დაშვებული შეცდომის გამო, გამარჯვება ბინგემს დარჩა. ბინგემისთვის ეს 2019 წლის გიბრალტარის ღია პირველობის შემდეგ პირველი ფინალია რეიტინგულ ტურნირზე, სადაც მან მეექვსე ტიტული მოიპოვა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს