შოტლანდიის ეროვნული ნაკრების მთავარმა მწვრთნელმა, სტივ კლარკმა განაცხადა, რომ არსებობს 75%-იანი ალბათობა, რომ 2026 წლის მსოფლიო ჩემპიონატის შემდეგ კონტრაქტს აღარ გააგრძელებს. 61 წლის სპეციალისტმა შოტლანდია ზედიზედ ორ ევროპის ჩემპიონატზე გაიყვანა და ახლა 1998 წლის შემდეგ პირველად ცდილობს, გუნდი მსოფლიო ჩემპიონატზეც გაიყვანოს.
კლარკის კონტრაქტი აშშ-ში, კანადასა და მექსიკაში გასამართი ტურნირის შემდეგ იწურება. ჟურნალისტების კითხვაზე, დარწმუნებულია თუ არა, რომ ეს მისი ბოლო 17 თვე იქნება ნაკრების სათავეში, კლარკმა უპასუხა, რომ ალბათობა 75%-ია.
მან ასევე აღნიშნა, რომ ეს საკითხი ჯერ მის ხელმძღვანელობასთან არ განუხილავს და გასული წლის სექტემბერში განაცხადა, რომ კონტრაქტის ვადის ამოწურვამდე იმუშავებს, შემდეგ კი სიტუაცია შეფასდება.
შოტლანდიის ნაკრები ამ თვეში ერთა ლიგის პლეი-ოფში საბერძნეთს დაუპირისპირდება, რათა ტურნირის უმაღლეს დივიზიონში დარჩეს. შემდეგ კი მსოფლიო ჩემპიონატის საკვალიფიკაციო ეტაპზე მოუწევს პორტუგალიის ან დანიის, საბერძნეთისა და ბელარუსის წინააღმდეგ თამაში.
შოტლანდიამ 2022 წლის მსოფლიო ჩემპიონატზე გასვლა პლეი-ოფში უკრაინასთან დამარცხების გამო ვერ მოახერხა. კლარკის თქმით, სწორედ მომდევნო 12 თვე განსაზღვრავს მის მომავალს. თუ გუნდი წარმატებულ წელს ჩაატარებს, მსოფლიო ჩემპიონატზე გავა და იქაც კარგად ითამაშებს, შესაძლოა, ვინმემ დარჩენაში დაარწმუნოს. თუმცა, ამ ეტაპზე, ის კონტრაქტის ამოწურვამდე მუშაობას ამჯობინებს.
კლარკმა ხაზგასმით აღნიშნა, რომ სურს ამერიკაში გამგზავრება და ამ ფეხბურთელების დახმარება, რათა მსოფლიო ჩემპიონატზე მოხვდნენ. მის წინ 10 მნიშვნელოვანი მატჩია, რომელიც მის მომავალს განსაზღვრავს, დარჩება ის ნაკრებში თუ სხვაგან წავა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს