ბანგლადეშის ნაკრების ყოფილმა კაპიტანმა, თამიმ იქბალმა, მადლობა გადაუხადა ექიმებს განსაკუთრებული ზრუნვისთვის. მან სოციალურ ქსელში პირველი პოსტი გამოაქვეყნა მას შემდეგ, რაც გულის შეტევა გადაიტანა.
36 წლის სპორტსმენს სამედიცინო დახმარება ადგილობრივი T20 მატჩის დროს, დაკაში დასჭირდა. ამჟამად ის საავადმყოფოში მკურნალობს.
თამიმ, რომელიც ბანგლადეშის რეკორდსმენია ერთდღიან საერთაშორისო მატჩებში, გულმკერდის ტკივილზე იჩივლა მას შემდეგ, რაც მოედანზე გავიდა "Mohammedan Sporting Club"-ის შემადგენლობაში, "Shinepukur"-ის წინააღმდეგ დაგეგმილ შეხვედრაში, ორშაბათს.
მისი ვერტმფრენით გადაყვანის გეგმა ჩაიშალა მდგომარეობის გაუარესების გამო და სასწრაფო დახმარების აღმოსაჩენად უახლოეს სამედიცინო დაწესებულებაში, KPJ Specialized Hospital-ში გადაიყვანეს.
თამიმი კიდევ 48-72 საათის განმავლობაში დარჩება საავადმყოფოში დაკვირვების ქვეშ. მას ანგიოპლასტიკა ჩაუტარდა არტერიების ბლოკირების მოსახსნელად.
"გულისცემა არის ის, რაც გვაცოცხლებს, მაგრამ ეს შეიძლება შეწყდეს ყოველგვარი გაფრთხილების გარეშე - ჩვენ ამას გამუდმებით ვივიწყებთ. ვიცოდი კი, რა მოხდებოდა ჩემს თავს გუშინ, როდესაც დღე დავიწყე?" - დაწერა თამიმ თავის Facebook-ის გვერდზე.
"ალლაჰის უსაზღვრო წყალობითა და ყველას ლოცვით დავბრუნდი. იღბლიანი ვარ, ჩემ გვერდით ამ კრიზისის დროს საოცარი ადამიანები იყვნენ, რომელთა დაუღალავი ძალისხმევით ეს კრიზისი დავძლიე.
ზოგიერთი მოვლენა გვახსენებს რეალობას, თუ რა ხანმოკლეა ცხოვრება. ყველამ ილოცეთ ჩემთვის და ჩემი ოჯახისთვის. მე, თამიმ იქბალი, არაფერი ვარ თქვენი სიყვარულის გარეშე."
თამიმ ბანგლადეში 391-ჯერ წარადგინა ყველა ფორმატში 2007-დან 2023 წლამდე და 15,249 გარბენი დააგროვა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს