ტრაგიკული შემთხვევა სტამბოლში: "რეინჯერსის" გულშემატკივარი დაიღუპა

სტამბოლში, საფეხბურთო მატჩის წინ, გზაზე მომხდარი ავტოავარიის შედეგად "რეინჯერსის" ერთი გულშემატკივარი გარდაიცვალა. კლუბის წარმომადგენლებმა ღრმა მწუხარება გამოთქვეს მომხდარის გამო. გავრცელებული ინფორმაციით, ტრაგედია გამთენიისას მოხდა, როდესაც მამაკაცი ქუჩას კვეთდა. მას ჯერ ერთი ავტომობილი დაეჯახა, შემდეგ კი მეორე გადაუარა. "რეინჯერსი" მწუხარებას გამოთქვამს და გარდაცვლილის ოჯახსა და ახლობლებს უსამძიმრებს. კლუბი მუდმივ კავშირშია თურქეთის და ბრიტანეთის შესაბამის ორგანოებთან. "ფენერბაჰჩემ" ასევე გამოხატა თანაგრძნობა გარდაცვლილის ოჯახისა და "რეინჯერსის" მიმართ.