"ცხრა უცნობი" მეორე სეზონის გამოსვლის თარიღი ცნობილია, ნიკოლ კიდმანის მაშას როლში დაბრუნების პირველი კადრები

Hulu-მ სერიალ "ცხრა უცნობის" მეორე სეზონის გამოსვლის თარიღი გამოაცხადა და ახალი სეზონის პირველი ფოტოებიც გაავრცელა.

სერიალის ახალი სეზონი 21 მაისს ორი ახალი ეპიზოდით დაიწყება, რასაც ყოველკვირეულად ახალი ეპიზოდები მოჰყვება. ნიკოლ კიდმანი ენიგმატური მაშა დმიტრიჩენკოს როლს უბრუნდება. მეორე სეზონში ასევე მონაწილეობენ: ჰენრი გოლდინგი, ლენა ოლინი, ენი მერფი, კრისტინ ბარანსკი, ლუკას ინგლანდერი, კინგ პრინცესი, მარი ბარტლეტი, დოლი დე ლეონი, მეისი რიჩარდსონ-სელერსი, მარკ სტრონგი და არას აიდინი.

იხილეთ პირველი ფოტოები ქვემოთ.

მეორე სეზონის ოფიციალურ აღწერაში ნათქვამია: "ცხრა ახალი უცნობი, წარმოუდგენელი კავშირებით, იდუმალი გურუ მაშა დმიტრიჩენკოს (კიდმანი) მიერ ავსტრიის ალპებში ტრანსფორმაციულ გამაჯანსაღებელ ცენტრშია მიწვეული. ერთი კვირის განმავლობაში ის მათ ზღვრამდე მიიყვანს. გადარჩებიან ისინი? გადარჩება ის? მაშა მზად არის ყველაფერი სცადოს, რათა ყველა მონაწილეს, საკუთარი თავის ჩათვლით, დაეხმაროს."

"ცხრა უცნობის" პირველი სეზონი ლიან მორიარტის ამავე სახელწოდების წიგნზეა დაფუძნებული. მისი დებიუტი Hulu-ზე 2021 წელს შედგა. მეორე სეზონის შესახებ 2023 წელს გამოცხადდა.

შოუს შემქმნელები არიან დევიდ ე. კელი, ბრუნა პაპანდრეას Made Up Stories, კიდმანის Blossom Films და Fifth Season. კელი, კიდმანი, პერ საარი, პაპანდრეა, სტივ ჰუტენსკი, მოლი ალენი, ჯონათან ლევინი, რეიჩელ შუკერტი, მორიარტი, მეთიუ ტინკერი, ენტონი ბირნი და ჯ.ჰ. ბატერვორთი აღმასრულებელი პროდიუსერები არიან. Fifth ასევე ახორციელებს სერიალის დისტრიბუციას.