ინგლისის ნაკრების ახალმა მთავარმა მწვრთნელმა, თომას ტუხელმა, განაცხადა, რომ ეროვნული ჰიმნის შესრულების უფლება უნდა დაიმსახუროს. 51 წლის გერმანელმა სპეციალისტმა, რომელმაც ახლახან დაიკავა პოსტი, უკვე დაასახელა 26-კაციანი შემადგენლობა მსოფლიო ჩემპიონატის საკვალიფიკაციო ეტაპისთვის ალბანეთისა და ლატვიის წინააღმდეგ გასამართი მატჩებისთვის. ტუხელის თქმით, ის უახლოეს შეხვედრებში არ იმღერებს "ღმერთო, დაიფარე მეფე"-ს.
მისი განმარტებით, ეროვნული ჰიმნის შესრულება ავტომატურად არ ხდება. ტუხელი თვლის, რომ ამ სიმღერის ღირსი უნდა გახდეს. ოქტომბერში დანიშვნიდან მალევე, ტუხელმა აღნიშნა, რომ ჯერ არ ჰქონდა გადაწყვეტილი, იმღერებდა თუ არა ჰიმნს. ყოფილი "ჩელსისა" და მიუნხენის "ბაიერნის" თავკაცი ინგლისის ნაკრების მთავარი მწვრთნელის პოსტზე ოფიციალურად პირველ იანვარს დაინიშნა, ხოლო მისი დებიუტი "სამი ლომის" სათავეში 21 მარტს, ალბანეთის წინააღმდეგ შედგება.
ტუხელმა ხაზი გაუსვა, რომ ინგლისს აქვს ძალიან ძლიერი, ემოციური და მნიშვნელოვანი ეროვნული ჰიმნი და მისთვის დიდი პატივია გუნდის სათავეში ყოფნა. მან დაამატა, რომ ეს მისთვის ბევრს ნიშნავს, მაგრამ გრძნობს, რომ ჰიმნის მნიშვნელობიდან და ემოციურობიდან გამომდინარე, მისი შესრულების უფლება უნდა დაიმსახუროს. წარსულში, ლი კარსლი გააკრიტიკეს იმის გამო, რომ ინგლისის ნაკრების დროებითი მწვრთნელობის პერიოდში ჰიმნს არ მღეროდა. ტუხელმა პრესკონფერენციაზე ხუმრობით აღნიშნა, რომ ჰიმნის სიტყვები იცის, მაგრამ მის შესრულების უფლებას შედეგებით, გუნდის მშენებლობითა და სამუშაოს კეთილსინდისიერად შესრულებით მოიპოვებს. მას სურს, რომ გულშემატკივრებმა იგრძნონ, რომ მან ეს უფლება დაიმსახურა და ის "თავისიანია".
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს