ინგლისის ნაკრების ახალმა მთავარმა მწვრთნელმა, თომას ტუხელმა, განაცხადა, რომ ეროვნული ჰიმნის შესრულების უფლება ჯერ უნდა მოიპოვოს. 51 წლის გერმანელმა სპეციალისტმა პარასკევს გამოაცხადა შემადგენლობა, რომელიც ალბანეთისა და ლატვიის წინააღმდეგ მსოფლიო ჩემპიონატის საკვალიფიკაციო ეტაპზე ითამაშებს. ტუხელის თქმით, იგი ამ მატჩების წინ "ღმერთო, დაიფარე მეფე"-ს არ იმღერებს.
ოქტომბერში დანიშვნის შემდეგ, ტუხელს ჯერ არ ჰქონდა გადაწყვეტილი, იმღერებდა თუ არა ჰიმნს. "ჩელსისა" და მიუნხენის "ბაიერნის" ყოფილი მწვრთნელი ინგლისის ნაკრების მთავარი მწვრთნელის პოსტზე ოფიციალურად 1-ელ იანვარს დაინიშნა, თუმცა დებიუტს "სამი ლომის" სათავეში 21 მარტს, ალბანეთის წინააღმდეგ გამართავს.
ტუხელმა აღნიშნა, რომ ინგლისის ეროვნული ჰიმნი ძალიან ძლიერი, ემოციური და მნიშვნელოვანია და მისთვის დიდი პატივია ნაკრების სათავეში ყოფნა. მან ხაზგასმით აღნიშნა, რომ ჰიმნის მნიშვნელობიდან გამომდინარე, მისი შესრულების უფლება უნდა დაიმსახუროს.
შეგახსენებთ, რომ ლი კარსლი, რომელიც შარშან ინგლისის ნაკრების დროებითი მწვრთნელი იყო, ჰიმნის არ შესრულების გამო გააკრიტიკეს.
ტუხელმა პრესკონფერენციაზე ხუმრობით აღნიშნა, რომ ჰიმნის სიტყვები იცის, მაგრამ მის შესრულების უფლებას შედეგებით, გუნდის მშენებლობითა და საკუთარი საქმის კეთილსინდისიერად შესრულებით მოიპოვებს. მას სურს, რომ გულშემატკივრებმა, ფეხბურთელებმა და საზოგადოებამ იგრძნონ, რომ მან ეს უფლება დაიმსახურა და ახლა უკვე შეუძლია ჰიმნის შესრულება, რადგან ის "მათიანია" და ინგლისის ნაკრების მწვრთნელია.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს