Twenty One Pilots-ის რეკორდული მუსიკალური ვიდეო

ალბათ, ბევრ თქვენგანს აქვს განცდა, რომ 2020 წელი თითქოს არასდროს დასრულდება. როგორც ჩანს, მსგავსად ფიქრობდნენ Twenty One Pilots-ის „უსასრულო“ მუსიკალურ ვიდეოზეც, რომლის ხანგრძლივობამ 4 264 საათს, 10 წუთსა და 25 წამს მიაღწია. ეს არის ახალი გინესის მსოფლიო რეკორდი, ფარელ უილიამსის 24-საათიანი მუსიკალური ვიდეოს (Happy) რეკორდის შემდეგ. პროექტზე ჯგუფთან ერთად კომპანია Imposium მუშაობდა, რომელიც ვიდეოს ყოველ 3 წუთსა და 40 წამში, ფანების მიერ შექმნილი კონტენტის შესაბამისად ანახლებდა. თუმცა, როგორც კი ჯოშ დანმა „შემთხვევით“ დენის კაბელი გამორთო, სიმღერის Level of Concern უწყვეტი ვიდეო საახალწლო ნაძვის ხის ციმციმით ჩანაცვლდა.