აუდიო ტექნიკის მოყვარული ვარ და წლებია, ყურსასმენებს ვტესტავ. ბოლო პერიოდში, უამრავი მოდელი მაქვს განხილული, მაგრამ ცოტა თუ ახერხებს ჩემს გაოცებას. ხშირად ვფიქრობ, ნეტავ რომელიმე მართლა გამაოცებდეს-მეთქი.
ცოტა ხნის წინ, კომპანია "Dali"-სგან მივიღე შემოთავაზება, განმეხილა მათი ახალი ყურსასმენები - "IO-8". სიმართლე გითხრათ, ამ კომპანიის შესახებ აქამდე არაფერი მსმენოდა.
"IO-8"-ის ფასი საკმაოდ მაღალია, დაახლოებით 1100 დოლარი. ამის გამო, ის კონკრეტული აუდიტორიისთვისაა განკუთვნილი, თუმცა ამ აუდიტორიას სრულად აკმაყოფილებს. რატომ ვამბობ ამას? იმიტომ, რომ "IO-8" არის საუკეთესო ყურსასმენი, რაც კი ოდესმე გამომიყენებია.
"Dali IO-8" უზრუნველყოფს ხმის ისეთ სიცხადეს, რომელსაც ამ ფასის დიაპაზონში იშვიათად შეხვდებით.
არსებობს ერთი კონკრეტული მუსიკალური კომპოზიცია, რომელსაც ყურსასმენების ხმის ხარისხის შესამოწმებლად ვიყენებ. ეს არის "Tricycle", ჯგუფი "Flim & The BBs"-ის შესრულებით. 90-იან წლებში ვმუშაობდი კომპანიაში, რომელიც აუდიო სისტემებს აყენებდა. ინსტალაციის დასრულების შემდეგ, სისტემას სპეციალური ხმებით ვტვირთავდით და შემდეგ ამ კომპოზიციას ვასმენინებდით. თუ სისტემა ამ სიმღერას უმაღლეს დონეზე უკრავდა, სამუშაო დასრულებულად ითვლებოდა.
"Tricycle"-ს ყველა ყურსასმენის განხილვისას არ ვიყენებ, რადგან უმეტესობა ვერ ახერხებს მისი სრულყოფილად დაკვრას. მაგრამ, როდესაც "IO-8"-ის ფასი დავინახე, მივხვდი, რომ ამ კომპოზიციის მოსმენა მაშინვე მიმახვედრებდა, რამდენად კარგად ასრულებდა ის თავის ფუნქციას.
ამ სიმღერას შესანიშნავი ჟღერადობა აქვს და კარგად წარმოაჩენს ყურსასმენის შესაძლებლობებს, განსაკუთრებით დაბალი და მაღალი სიხშირეების დამუშავების კუთხით. "IO-8"-მა ეს ამოცანა უნაკლოდ შეასრულა. ეჭვგარეშეა, ეს არის საუკეთესო ხმის ხარისხის მქონე უსადენო ყურსასმენი, რაც კი ოდესმე გამომიყენებია.
და ეს ყველაფერი აპლიკაციის დაყენებისა და ხმის პარამეტრების შეცვლის გარეშე!
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს