ზოე კრავიცის ახალი ფოტოები Saint Laurent-ის 2025-2026 წლის შემოდგომა/ზამთრის ქალთა ტანსაცმლის მოდების ჩვენებიდან, რომელიც 2025 წლის პარიზის მოდის კვირეულის ფარგლებში გაიმართა, ამტკიცებს, რომ მას თამამი სტილი უნაკლოდ გამოსდის. 11 მარტს მსახიობი გლამურულ ღონისძიებას მაქმანებიანი თეთრეულის სტილის მიდი კაბით ეწვია. აბრეშუმის ატლასის მომხიბვლელმა ქსოვილმა კაბის დელიკატურობა კიდევ უფრო გაუსვა ხაზი. ფოტოებში პოზირებისას მსახიობი განსაკუთრებულ სექსუალურობას ასხივებდა.
Zoe Kravitz dons racy slip dress at Saint Laurent‘s Fall 2025 show IMAGE | PASCAL LE SEGRETAIN/GETTY IMAGES
ზოე კრავიცმა ყურადღება მიიპყრო თავისი თვალისმომჭრელი და თამამი იერით, როდესაც პარიზის 2025 წლის მოდის კვირეულზე Saint Laurent-ის 2025-2026 წლის შემოდგომა/ზამთრის ქალთა ტანსაცმლის მოდების ჩვენებას ესწრებოდა. სერიალ "დიდი პატარა ტყუილების" მსახიობმა არჩევანი ატლასის თეთრეულის სტილის კაბაზე შეაჩერა, რომელიც ღია იასამნისფერ ტონალობაში იყო გადაწყვეტილი. უმკლავო კაბას ძალიან თხელი თასმები ამშვენებდა. დეკოლტეს არეში ბეჟისფერი მაქმანის გამჭვირვალე ქსოვილით კი გამოკვეთილი ბიუსტჰალტერის ეფექტი იქმნებოდა.
ზოე კრავიცის ატლასის კაბის ზედა ნაწილი წელის ზემოთ, ლენტის მსგავსი, მბზინავი ქამრით იყო შეკრული, რაც მომხიბვლელ იერს კიდევ უფრო მეტ დრამატულობას მატებდა. კაბა კი მინი-კაბაში გადადიოდა, რომელსაც ქვედა კიდეზე ბეჟისფერი მაქმანები ამშვენებდა.
"ბეტმენის" მსახიობმა კაბას ყავისფერ-ბეჟისფერი ხელოვნური ბეწვის ქურქი შეუხამა, რომელიც მხრებზე მოიგდო და ელეგანტური, ოდნავ ჩამოწეული სტილი შექმნა. ფეხსაცმლის მხრივ, ზოე კრავიცმა არჩევანი მუქი მეტალისფერი თასმებიან ქუსლებზე შეაჩერა. მსახიობს ასევე ელეგანტური, კრისტალებით მოჭედილი საღამოს ჩანთა ჰქონდა Saint Laurent-ისგან. ჩანთის ფერი იდეალურად ეხამებოდა მის ქუსლებს და შეკრულ იერს ქმნიდა.
სამკაულების შერჩევისას კრავიცმა მინიმალისტური მიდგომა აირჩია, მან მხოლოდ წყვილი მოხდენილი, მოძრავი საყურე და ბეჭედი გაიკეთა. პარიზის მოდის კვირეული 2025-ის იერი მან ნამიან-ეფექტიანი საღამოს გლამურული მაკიაჟით დაასრულა, რომელშიც გამოკვეთილი იყო პრიალა, ნიუდ-ყავისფერი ტუჩსაცხი და ელეგანტური კოსა.
 onto the Cover of Vogue_971514_7f01d.webp)
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს