AMD-მ Apple M1-ის „მკვლელი“ წარადგინა: ახალი პროცესორები გაზრდილი წარმადობით

AMD-მ CES 2023-ზე წარმოადგინა ახალი Ryzen 7040 სერიის ლეპტოპის პროცესორები, რომლებიც კონკურენციას გაუწევენ M1 Pro ჩიპს და ჯერ არ გამოსულ M2 Pro-ს. ფლაგმანურ AMD Ryzen 9 7940HS პროცესორს აქვს 8 ბირთვი, 16 ნაკადი და 5.2 გჰც სიხშირე. კომპანიის განცხადებით, ის 30%-ით უფრო სწრაფია ვიდრე M1 Pro. მრავალბირთვიანი დატვირთვების დროს, Ryzen 9 7940HS 34%-ით უფრო სწრაფია ვიდრე M1 Pro და 20%-ით უფრო სწრაფია M2-თან შედარებით ხელოვნურ ინტელექტთან დაკავშირებულ დატვირთვებში. AMD-ს არ დაუკონკრეტებია შედეგები M1 Max-ისა და Ultra-ს წინააღმდეგ. Ryzen 7040 სერიის ყველა პროცესორი დამზადებულია 4 ნმ პროცესის ტექნოლოგიით. კომპანია ირწმუნება, რომ Ryzen 7040 ულტრაბუქები ვიდეოს დაკვრისას 30 საათამდე იმუშავებს. Ryzen 7040 ჩიპები ლეპტოპების მწარმოებლებისთვის ხელმისაწვდომი 2023 წლის მარტში გახდება.