Google-ი ვირტუალური რეალობით მაკიაჟის შერჩევას გვთავაზობს

პანდემიის პირობებში უსაფრთხოების ზომები ზღუდავს სავაჭრო ცენტრებში ხანგრძლივად ყოფნას და სილამაზის განყოფილებებში დროის გატარებას. ამიტომ, Google-მა, ModiFace-სა და Perfect Corp-თან პარტნიორობით, შექმნა ახალი სავაჭრო ფუნქცია, რომელიც მომხმარებლებს მაკიაჟის შერჩევაში ეხმარება. აპლიკაციის საშუალებით შესაძლებელია ისეთი ბრენდების პროდუქციის დათვალიერება, როგორიცაა L’Oreal, MAC Cosmetics, Black Opal და Charlotte Tilbury. მომხმარებლები იხილავენ, თუ როგორ გამოიყურება მათი ტუჩსაცხები და თვალის ჩრდილები სხვადასხვა კანის ტონალობაზე. NARS-ისა და MAC-ის პროდუქციის კი ვირტუალურად მოსინჯვა საკუთარ თავზეა შესაძლებელი. თუმცა, მომხმარებელთა უმეტესობა კვლავ პროდუქტის რეალურ სანახავად, კონსულტანტების რჩევის მისაღებად და ტესტერების გამოსაყენებლად სავაჭრო ობიექტებს სტუმრობს.