iPad-თამაშებში დახარჯული 16 000 დოლარი

წარმოიდგინეთ, როგორი იქნებოდა თქვენი რეაქცია, საკრედიტო ბარათიდან 16 000 დოლარი რომ მოულოდნელად გაქრეს? უპირველეს ყოვლისა, ალბათ იფიქრებდით, რომ ეს შეცდომაა, ან შესაძლოა კიბერდანაშაულთან გქონდეთ საქმე. სწორედ ასეთი განცდა დაეუფლა ჯესიკა ჯონსონს, როდესაც აღმოაჩინა, რომ მისმა მცირეწლოვანმა ვაჟმა iPad-ის თამაშებში შიდა შესყიდვების განხორციელება დაიწყო. საწყისი შენაძენი მხოლოდ 1.99 დოლარს შეადგენდა, თუმცა ძალიან მალე 99 დოლარს მიაღწია. საკუთარ სიმართლეში მტკიცედ დარწმუნებული ჯესიკა ჯონსონი Apple-ს დაუკავშირდა და მოითხოვა უკანონოდ ჩამოჭრილი თანხის დაბრუნება. თუმცა, როგორც გამოძიებამ აჩვენა, ინციდენტში „დამნაშავე“ თავად მცირეწლოვანი აღმოჩნდა. მიუხედავად ჯონსონების ოჯახის მცდელობისა, Apple-მა თანხის დაბრუნებაზე კატეგორიული უარი განაცხადა.