ბრისტოლში, საკუთარ სახლში, 46 წლის ასაკში გარდაიცვალა მსახიობი და რეალითი შოუს ვარსკვლავი პოლ დანანი. გამოძიების პირველადმა შედეგებმა აჩვენა, რომ მისი გარდაცვალების მიზეზი ნარკოტიკული ნივთიერებების, მათ შორის კოკაინისა და ჰეროინის, ზედოზირება გახდა.
გამოძიება 12 მარტს დაიწყო და 28 მაისამდე გადაიდო. სასამართლო პროცესზე დადგინდა, რომ დანანი 15 იანვარს, საღამოს 5:20 საათზე, ბრისტოლში, საკუთარ სახლში გარდაცვლილი იპოვეს. მისი ცხედარი პარტნიორმა, მელისა კრუკსმა, ამოიცნო.
გამოძიების მასალების მიხედვით, დანანის გარდაცვალების სავარაუდო მიზეზი ჰეროინის, მეტადონის, კოდეინის, პრეგაბალინის, კოკაინისა და ზოპიკლონის კომბინირებული ტოქსიკურობაა, რასაც ბენზოდიაზეპინების მოხმარებაც დაემატა. გამოძიებამ ასევე დაადგინა, რომ დანანს გარდაცვალებამდე წერილი არ დაუტოვებია და ოჯახს რაიმე პრეტენზია არ გააჩნია.
პოლიცია, სასწრაფო დახმარების სამსახური და ექიმი ამჟამად აგროვებენ ინფორმაციას დანანის ჯანმრთელობის მდგომარეობის შესახებ.
აღსანიშნავია, რომ დანანი ნარკოდამოკიდებულებას წლების განმავლობაში ებრძოდა და ამის შესახებ საჯაროდაც საუბრობდა. ის წარსულში კოკაინსა და კოდეინზე იყო დამოკიდებული. 2020 წელს ბრისტოლში მან დრამის გაკვეთილები გახსნა იმ ადამიანებისთვის, რომლებსაც ფსიქიკური ჯანმრთელობის პრობლემები, ნარკოდამოკიდებულება ან ტრავმა ჰქონდათ გადატანილი.
მისი გარდაცვალების შემდეგ, მსახიობის მენეჯმენტმა განაცხადა, რომ დანანი ტელევიზიის ვარსკვლავი, ნიჭიერი მსახიობი და გულისხმიერი ადამიანი იყო, რომელიც ბევრისთვის სინათლის სხივს წარმოადგენდა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს