ნასამ მარსის ზედაპირზე შემთხვევით აღმოაჩინა ძველი შუმერული ქანდაკება?

წითელი პლანეტის ზედაპირზე, როგორც ჩანს, კიდევ ერთი უკიდურესად იდუმალი აღმოჩენა გაკეთდა. უფოლოგების მტკიცებით, „კურიოზიტი“ როვერის მიერ გადაღებულ ერთ-ერთ ფოტოზე, იდუმალი ქანდაკების თავის მსგავსი ობიექტია აღმოჩენილი.

მანამდე ნასას „კურიოზიტი“ როვერმა და მისმა კომპანიონმა „ოპორტუნიტიმ“ მარსზე მართლაც ბევრი უცნაური გამოსახულება გადაიღეს. მარსის გუმბათებიდან დაწყებული, ქანდაკებითა და წითელი პლანეტის ზედაპირის ქვეშ დამარხული მთლიანი სტრუქტურების მსგავსი ობიექტებით დამთავრებული, ჩვენს მეზობელ პლანეტაზე უამრავი იდუმალი ფოტო ვნახეთ, რომელთა ახსნა შეუძლებელია.

მიუხედავად იმისა, რომ მარსზე აღმოჩენილი ბევრი რამ საკმაოდ მარტივად შეიძლება უარყოფილი იყოს, არსებობს გარკვეული აღმოჩენები, რომლებიც ყოველგვარ ლოგიკურ ახსნას ეწინააღმდეგება. ასეთია ამ სტატიაში წარმოდგენილი სურათი, რომელიც, როგორც ჩანს, ყოველგვარ ახსნას სცილდება და დედამიწაზე, ძველ მესოპოტამიაში ხშირად ნანახ ძველ შუმერულ ქანდაკებას ჰგავს. გამოსახულება გაუმჯობესებულია მარტინ გრეინის მიერ.

იდუმალ ფოტოზე, უფოლოგების აზრით, ნათლად ჩანს ქანდაკების სახე, ორი თვალი, ცხვირი, პირი და ტიპური კონუსისებრი წვერი, რომელსაც ჩვენს პლანეტაზე თითქმის ყველა ძველ შუმერულ ქანდაკებაში ვხედავთ.

ძველი ასტრონავტების თეორიის მიმდევრებს სჯერათ, რომ ანუნაკებმა მოახდინეს როგორც მარსის, ისე დედამიწის კოლონიზაცია და ეს რწმენა შესაძლოა გამყარდეს იმ ფაქტით, რომ შუმერებს მარსზე მრავალი მითი ჰქონდათ, მათ შორის ისიც, რომ ანუნაკებმა მარსი დაიკავეს და წითელი პლანეტა დედამიწისკენ მიმავალ გზაზე „გაჩერებად“ გამოიყენეს.

მაშ, თუ ეს „ღმერთები“, რომლებიც ზეციდან მოვიდნენ, წარსულში მართლაც ახდენდნენ მარსის კოლონიზაციას, არსებობს თუ არა იმის შესაძლებლობა, რომ დღეს წითელ პლანეტაზე სტრუქტურების მტკიცებულებები ვიპოვოთ? მაგალითად, პირამიდები, სვეტები, ქანდაკებები და ა.შ. თუ ანუნაკები მარსზე იყვნენ, გარდაუვალია, რომ ჩვენ დღეს წითელ პლანეტაზე მათი ცივილიზაციის კვალს ვიპოვით.

რაც დანამდვილებით ვიცით არის ის, რომ ნასას როვერების მიერ წითელი პლანეტის შესწავლისას გამოგზავნილ თითქმის ყველა ფოტოზე უცნაური სტრუქტურაა იდენტიფიცირებული. ზოგიერთმა შეიძლება თქვას, რომ ფორმებისა და სახეების წარმოდგენა ჩვენს ბუნებაშია, მაგრამ არსებობს გარკვეული სურათები ობიექტებით, რომელთა ახსნა ვერავინ შეძლო, ერთ-ერთი მათგანია ამ სტატიაში ნაჩვენები ფოტო…

მკვლევარებმა მრავალი მითითება აღმოაჩინეს ლურსმულ დამწერლობაში, რომლებიც იდუმალი ანუნაკების ჩანაწერებად ითვლება და მკვლევართა აზრით, ამ ფირფიტებში არის მტკიცებულება იმისა, რომ ანუნაკებს მარსზე ისტორია აქვთ.

შუმერული და ბაბილონური წარმოშობის მითების თანამედროვე თარგმანის მიხედვით, წითელ პლანეტაზე კატაკლიზმური მოვლენა მართლაც მოხდა, მოვლენა, რომელიც საოცრად ჰგავს ძველ მესოამერიკულ მითებს მარსის გამანადგურებელი ფრთოსანი გველის შესახებ.

კომეტა ან ასტეროიდი შეეჯახა წითელ პლანეტას და გამოიწვია კატასტროფული მოვლენების ჯაჭვი, რამაც მარსი იზოლირებულ და უსიცოცხლო სამყაროდ აქცია.

შესაძლებელია, რომ ამჯერად „კურიოზიტი“ როვერმა მართლაც იპოვა იდუმალი ქანდაკება მარსის ზედაპირზე? და შესაძლებელია თუ არა, რომ ამ უცნაურ ქანდაკებას, რომელშიც ადვილად გამოვარჩევთ თვალებს, ცხვირს, პირს და კონუსისებრ წვერს, რაიმე იდუმალი კავშირი ჰქონდეს ძველ ანუნაკებთან და ძველ შუმერთან?

მიუხედავად იმისა, რომ ბევრი სკეპტიკურად უყურებს ამ და მარსზე გაკეთებულ სხვა მრავალ აღმოჩენას, საკმარისი მტკიცებულება არსებობს იმ თეორიის მხარდასაჭერად, რომ მარსი შორეულ წარსულში დასახლებული და სიცოცხლისთვის შესაფერისი იყო.

ძველი მარსის ატმოსფეროს აღმოჩენა, დღეს მარსის ზედაპირზე თხევადი წყლის დინება, მეთანის პიკები და ბიოლოგიურად გამოსადეგი აზოტი - ეს ყველაფერი იმაზე მიუთითებს, რომ მარსს აქვს წარსული, რომელიც იდუმალებით არის დაკავშირებული დედამიწაზე სიცოცხლესთან.

ნასას ორიგინალი ფოტოს ნახვა შესაძლებელია აქ . ფოტოს ავტორი: NASA/JPL. გამოსახულება გაუმჯობესებულია და რედაქტირებულია მარტინ გრეინის მიერ.