საქართველოს მორაგბეთა ნაკრებმა ზედიზედ მერვედ მოიპოვა ევროპის ჩემპიონობა რაგბიში, დაამარცხა რა ესპანეთი ანგარიშით 46-28. ნაკრების მთავარი მწვრთნელი, რიჩარდ კოკერილი, მიიჩნევს, რომ მისმა გუნდმა "დაიმსახურა უფლება", უელსს დაუპირისპირდეს პლეი-ოფში, რათა გადაწყდეს, რომელი ქვეყანა უნდა იყოს 2026 წლის ექვსი ერის გათამაშებაში.
ინგლისის ნაკრების ყოფილმა ჰუკერმა განაცხადა, რომ საქართველო საკმარისად კარგია ევროპის უმაღლეს დონეზე სათამაშოდ, მას შემდეგ, რაც ზედიზედ მერვედ მოიპოვა მეორე დონის ევროპის ჩემპიონობა რაგბიში. უელსმა, რომელმაც ექვსი ერის გათამაშება ზედიზედ მეორედ ბოლო ადგილზე დაასრულა, 2023 წლის მსოფლიო ჩემპიონატზე საქართველოსთან მოგების შემდეგ, ვერც ერთი თამაში ვერ მოიგო. შეგახსენებთ, რომ 2022 წლის შემოდგომაზე, კარდიფში, საქართველომ უელსი დაამარცხა.
კოკერილი ამბობს: "თუ ექვსი ერის გათამაშებას ბოლო ადგილზე ასრულებ, რატომ უნდა გქონდეს უფლება, მომავალ წელს უბრალოდ გამოხვიდე და ითამაშო?" მისი აზრით, საქართველოს უნდა მიეცეს შესაძლებლობა, დაამტკიცოს, რომ კონკურენციის გაწევა შეუძლია, ამიტომ პლეი-ოფის გამართვა ლოგიკურია.
კოკერილი ვარაუდობს, რომ უახლოეს მომავალში საქართველო-უელსის პლეი-ოფი მსოფლიო რაგბის ყველაზე შემოსავლიანი თამაში იქნება, რომლის შედეგადაც გაირკვევა, ვინ ითამაშებს ექვსი ერის მომდევნო გათამაშებაში. ეს იქნება თამაში, რომლის ყურებაც ყველას მოუნდება.
მსოფლიო რაგბის რეიტინგში საქართველო მე-11 ადგილზეა, რაც უელსზე ერთი საფეხურით მაღალია. უელსი კი ზედიზედ 17 ტესტ-მატჩში დამარცხების შემდეგ, ყველაზე დაბალ პოზიციაზეა. კოკერილის გუნდმა უკვე 17 მეორე დონის ტიტული მოიპოვა და ახლა უფრო დიდი გამოწვევა სჭირდება. მისი თქმით, საქართველოსთვის ეს ტურნირი შესაძლოა, ცოტა ძლიერია, თუმცა სხვა გუნდებიც ვითარდებიან, განსაკუთრებით ესპანეთი და რუმინეთი. საქართველოს გასაუმჯობესებლად კი უფრო მაღალ დონეზე თამაშია საჭირო.
კოკერილი აღიარებს, რომ პლეი-ოფის პერსპექტივა ნაკლებად სავარაუდოა. მისი აზრით, ექვსი ერის გათამაშებაში მონაწილე გუნდებს არ სურთ მსგავსი პლეი-ოფის მხარდაჭერა, რადგან ეს მათაც შეიძლება შეეხოთ. ექვსი ერის მიღმა დარჩენის შედეგები კი, როგორც რაგბის, ისე ფინანსური თვალსაზრისით, ძალიან რთული იქნება.
კოკერილი მიიჩნევს, რომ საქართველო-უელსის პლეი-ოფი მსოფლიო რაგბის ყველაზე შემოსავლიანი თამაში იქნება, რომლის შედეგადაც გაირკვევა, ვინ ითამაშებს ექვსი ერის მომდევნო გათამაშებაში. ეს იქნება თამაში, რომლის ყურებაც ყველას მოუნდება, ხოლო ქართული რაგბისთვის ფინანსური და პოპულარობის თვალსაზრისით დიდი წინსვლა იქნება, თუკი საქართველო შეძლებს ბოლო ადგილზე გასული გუნდის დამარცხებას. წინააღმდეგ შემთხვევაში, გუნდი ხელახლა შეიკრიბება, განვითარებას გააგრძელებს და კვლავ იბრძოლებს ამ შესაძლებლობისთვის.
რიჩარდ კოკერილი საქართველოს ნაკრების მთავარ მწვრთნელად 2024 წლის იანვარში დაინიშნა. ის ასევე ხელმძღვანელობს ქვეყნის წამყვან კლუბს, "შავ ლომს". კოკერილი არ არის დაინტერესებული უელსის რაგბის ვაკანსიებით. უელსის რაგბის კავშირი (WRU) ეძებს რაგბის ახალ დირექტორს, ასევე უორენ გეტლენდის სრულ განაკვეთზე შემცვლელს, რომელმაც უელსის ნაკრების მთავარი მწვრთნელის პოსტი 2025 წლის ექვსი ერის გათამაშების დროს დატოვა.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს