AMD Radeon RX 6500 XT: 199-დოლარიანი ვიდეო ბარათი

AMD-მ წარმოადგინა საწყისი დონის ვიდეო ბარათი Radeon RX 6500 XT, რომელიც 19 იანვრიდან გაიყიდება 199 დოლარად. ეს სიახლე RDNA 2 არქიტექტურის ყველაზე ხელმისაწვდომი ვიდეო ბარათია. Radeon RX 6500 XT პოზიციონირდება როგორც ბიუჯეტური გადაწყვეტილება, რომელიც ჩაანაცვლებს მოძველებულ GTX 1650-ს ან RX 570-ს. ამ ვიდეო ბარათებთან შედარებით, სიახლე წარმადობას 1.6-ჯერ ზრდის და ასევე გააჩნია თანამედროვე ტექნოლოგიების მხარდაჭერა, როგორიცაა AMD FidelityFX Super Resolution. Radeon RX 6500 XT-ის საფუძველს გრაფიკული ჩიპი Navi 24 XT წარმოადგენს, რომელიც 16 გამოთვლით ბლოკს, 1024 ნაკადურ პროცესორს, 16 ბლოკს სხივების ტრასირებისთვის და 4 გიგაბაიტი GDDR6 ოპერატიულ მეხსიერებას მოიცავს. თამაშის რეჟიმში სიხშირე 2610 მჰც-ია, ხოლო მაქსიმალური სიხშირე 2815 მჰც-ს აღწევს. ენერგომოხმარება 107 ვატს შეადგენს.