ტაიპეიში გამართულ Computex 2017-ზე კომპანია Dell-მა წარმოადგინა ახალი მონობლოკები Inspiron 27 7000 და 24 5000, ასევე სამაგიდო კომპიუტერი Inspiron Gaming Desktop.
Dell Inspiron 27 7000, როგორც სახელწოდებიდანაც ჩანს, აღჭურვილია 27-დუიმიანი IPS ეკრანით, რომლის გარჩევადობა 3840 x 2160-ია. სიახლე აღჭურვილია AMD-ის Ryzen 5 1400 ან Ryzen 7 1700 პროცესორებით, დისკრეტული ვიდეო ბარათებით Radeon RX 560 ან RX 580 და 16 ან 32 გიგაბაიტი ოპერატიული მეხსიერებით. მონაცემთა შესანახად ხელმისაწვდომია 1 ტერაბაიტიანი მყარი დისკის სლოტი და SSD დისკის სლოტი 256 გიგაბაიტამდე მოცულობით. პორტების ნაკრები მოიცავს 3.5 მმ აუდიო ჯეკს, HDMI-ს, სამ USB 3.1-ს, ორ USB 2.0-ს, ორ USB 3.1 Type-C-ს, Gigabit Ethernet-ს და SD ბარათების სლოტს. ასევე, გათვალისწინებულია Windows Hello-ს ბიომეტრიული იდენტიფიკაცია და Field Speech Recognition ხმის ამოცნობის ფუნქცია Cortana-სთვის. მისი ფასი 1000 დოლარიდან იწყება.
Dell Inspiron 24 5000, შესაბამისად, აღჭურვილია 24-დუიმიანი IPS ეკრანით 1920×1080 გარჩევადობით. მას AMD A12-9800E პროცესორი და AMD Radeon RX560 ვიდეო ადაპტერი აქვს. ოპერატიული მეხსიერება აქაც 16 ან 32 გიგაბაიტია. მონაცემების შესანახად მომხმარებელს შეუძლია აირჩიოს HDD ან SSD დისკი. ინტერფეისების ნაკრები მოიცავს: 3.5 მმ აუდიო ჯეკს, ორ USB 3.1-ს, ორ USB 2.0-ს, ორ USB 3.1 Type-C-ს, Ethernet-ს და SD ბარათების სლოტს. სიახლის ფასი 700 დოლარიდან იწყება.
Dell Inspiron Gaming Desktop-ის საბაზისო და ტოპ კომპლექტაციები მოიცავს შემდეგ მახასიათებლებს: პროცესორი: AMD A10 9700 / AMD Ryzen 7; ოპერატიული მეხსიერება: 8 გიგაბაიტი / 16 გიგაბაიტი; ვიდეო ბარათი: Radeon RX560 / AMD Radeon RX 580 / GeForce GTX 1060; მყარი დისკი: 1 ტერაბაიტი / 2 ტერაბაიტი HDD და 256 გბ SSD. Inspiron Gaming Desktop-ის საბაზისო კონფიგურაციის ფასი 600 დოლარია, ხოლო ტოპ კონფიგურაციის სისტემა 2000 დოლარი ეღირება.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს