ღრუბლოვანი აღრიცხვა და კონტროლი: „ბალანსმა“ ბუღალტრებსა და მენეჯერებს პირადი სამუშაო სივრცე შეუქმნა

წარმოიდგინეთ, რომ ფიჯიზე ისვენებთ... რა დაგიშავდებათ, უბრალოდ წარმოიდგინეთ. თუმცა, შესაძლოა ისე მოხდეს, რომ ბუღალტერიაში „უთო დაგრჩათ ჩართული“ – ანუ უკვე სანაპიროზე ნებივრობთ და უეცრად გაგახსენდათ, რომ ამ თვის ხელფასები გასაცემია. ან, მენეჯერი ხართ და მესტიაში სასრიალოდ გაემგზავრეთ. ხასიათი ცვალებადია, შესაძლოა უცებ მოგინდეთ გადაამოწმოთ, რა არის ამ თვის სახელფასო ხარჯი. ამ დროს რას აკეთებთ: ხსნით ნებისმიერ ინტერნეტ ბრაუზერს, შედიხართ „ბალანსის“ პირად კაბინეტში, ირჩევთ თქვენი კომპანიის მონაცემთა ბაზას და მარტივად ითვლით ხელფასებს, საპენსიო შენატანების გათვალისწინებით. ან, სახელფასო რეპორტში ათვალიერებთ მიმდინარე თვის სახელფასო ხარჯს. შემდგომში კი, ვინც არ უნდა იყოთ, თქვენი კომპანიის მონაცემთა ბაზებს, თანამშრომლების წვდომასა და პროგრამის გამოყენების ყველა პარამეტრს აკონტროლებთ თქვენი პირადი ციფრული კაბინეტიდან. პროგრამა „ბალანსსა“ და ახალ ციფრულ სამუშაო გარემოზე BDO-ს პარტნიორი და ტექნოლოგიებისა და ინოვაციების მიმართულების ხელმძღვანელი, ზვიად ორაგველიძე საუბრობს: M: ორი სიტყვით რომ გვითხრათ, რა არის „ბალანსი“, ვისთვის შეიქმნა და რა პრობლემებს აგვარებს? „ბალანსი“ BDO-ს საავტორო პროგრამაა, რომელიც ბაზარზე 2016 წელს გამოვიტანეთ. თავდაპირველად, ეს იყო საბუღალტრო პროგრამა ავტომატიზაციის მაღალი დონით, რომელიც მენეჯერსაც აწვდიდა კარგ ანგარიშებს. მოგვიანებით, მივხვდით, რომ ბიზნესისთვის მთავარი პრობლემა იყო რამდენიმე პროგრამის საჭიროება და ინფორმაციის მოპოვებისა და ანალიზის სირთულე. მათ ცალ-ცალკე ჰქონდათ პროგრამული უზრუნველყოფა საოპერაციო ნაწილის აღრიცხვისთვის, ცალკე - საბუღალტრო პროგრამები და საბოლოოდ, მენეჯერს ბუღალტრის, საწყობის მენეჯერისა და ათობით „ექსელის“ ფაილის გარეშე უჭირდა გაეგო, რა ნაშთი ჰქონდა საწყობში კონკრეტულ მომენტში, ან რა თანხების მიღებას ელოდა კლიენტებისგან თვის ბოლომდე. საბოლოოდ, „ბალანსი“ საოპერაციო აღრიცხვის მიმართულებითაც განვავითარეთ და დღეს ის წარმოადგენს ინდუსტრიულ გადაწყვეტას მცირე და საშუალო ბიზნესისთვის, რომელსაც აქვს მოლარის მოდული მაღაზიისთვის, საწყობის მართვისა და წარმოების მოდულები, პლუს სრულყოფილი საბუღალტრო ნაწილი. პროგრამაში ბუღალტერთან ერთად მუშაობენ საწყობის, შესყიდვების, გაყიდვების, მაღაზიის მენეჯერები. შედეგად, საოპერაციო და საბუღალტრო აღრიცხვა სინქრონულად მიმდინარეობს და მენეჯერს დამოუკიდებლად შეუძლია ერთ კლიკში მიიღოს ნებისმიერი რეპორტი კომპანიის საქმიანობაზე. M: რატომ გაჩნდა საჭიროება, რომ საბუღალტრო პროგრამა დესკტოპ აპლიკაციიდან ღრუბლოვან პლატფორმაზე გადასულიყო? დღეს ცხოვრებისა და ბიზნესის კეთების ისეთი ტემპია, რომ 9-დან 5-მდე ოფისებში, ვფიქრობ, ბევრი აღარ მუშაობს. ჩვენი მომხმარებლები არიან სავაჭრო, საწარმოო, სამშენებლო კომპანიები, ასევე საბუღალტრო აუთსორსინგის პროვაიდერი კომპანიები და ფრილანსერი ბუღალტრებიც, რომლებიც ბევრ სხვადასხვა კომპანიას უწევენ მომსახურებას. ამ ადამიანების მუშაობის სპეციფიკაზე დაკვირვებით მივხვდით, რომ მათ სჭირდებოდათ მოქნილი ინსტრუმენტი აღრიცხვისა და კონტროლისთვის და სურდათ მისი გამოყენება ოფისიდან, სახლიდან, ფილიალიდან და სამშენებლო ობიექტიდანაც კი. ასევე, მათთვის პრობლემური იყო პროგრამული უზრუნველყოფის პროვაიდერებთან ურთიერთობა: პროგრამის ლიცენზიის დამატება, ახალი ბაზის შექმნა თუ გადახდებზე ინფორმაციის მიღება მათთან კომუნიკაციისა და ლოდინის გარეშე არ ხერხდებოდა. რთულად იდგა კომპანიების არსებული საინფორმაციო ბაზების დაცულობის საკითხიც. პარალელურად, მსოფლიოს ყველა განვითარებული პროგრამული უზრუნველყოფა ღრუბლოვან სერვერებზე გადადის. შედეგად, მომხმარებლებს პროგრამაზე წვდომა აქვთ მსოფლიოს ნებისმიერი წერტილიდან და აღარ დააქვთ თავიანთი კომპანიის ფინანსური ინფორმაცია „ფლეშკებით“. საინფორმაციო ბაზები ინახება დაცულ სერვერებზე და მოვლის პასუხისმგებლობა პროვაიდერის მხარესაა, შესაბამისად, კომპიუტერის დაზიანება, ინფორმაციული ფაილების გაურკვეველი მიზეზებით გაქრობა და ვირუსები საფრთხეს აღარ წარმოადგენს. მომხმარებელი მშვიდადაა და მცირე ყოველთვიური გადასახადით კომფორტულად სარგებლობს პროგრამული პროდუქტით. M: რა ხდება „ბალანსის“ მომხმარებლის პირად კაბინეტში? მომხმარებელი „ბალანსის“ ვებგვერდიდანვე შედის თავის კაბინეტში, სადაც ხვდება პროგრამის დემო ვერსია, იმისთვის, რომ დაათვალიეროს პროგრამა, გამოსცადოს მისი შესაძლებლობები და ყიდვის შესახებ გადაწყვეტილება ინფორმირებულმა მიიღოს. კაბინეტიდანვე ყიდულობს „ბალანსის“ რომელიმე პროდუქტს – „ბალანს ენტერპრაისს“ ან „ბალანს შოპს“, ამატებს თავისი კომპანიის ბაზას, ან სხვადასხვა კომპანიას, თითოეულში შეუზღუდავი რაოდენობის ბაზებით, იწვევს თანამშრომლებს ბაზაში სამუშაოდ, მართავს წვდომის უფლებებს და აქვს წვდომა პროგრამის ფუნქციონალზე, ხედავს მიღებულ ინვოისებს და მათ სტატუსებს და აკავშირებს საბანკო ბარათს კაბინეტთან ავტომატური გადახდებისთვის. საჭიროების შემთხვევაში, ტრენინგებისა და დანერგვის მომსახურების მოთხოვნაც კაბინეტიდან არის შესაძლებელი. M: სამომავლო გეგმები როგორი გაქვთ? მომავალ წელს ვგეგმავთ, რომ კაბინეტში დავამატოთ პროგრამის დეტალური ინსტრუქციები. მიუხედავად იმისა, რომ „ბალანსი“ არ არის აპლიკაციის ტიპის ელემენტარული პროგრამა, ის კომპანიის სერიოზულ სააღრიცხვო გამოწვევებს ეჭიდება და ამდენი სხვადასხვა ტიპის მომხმარებლისთვისაა შექმნილი, გვინდა, რომ „ბალანსით“ სარგებლობა მაქსიმალურად მარტივი და დამოუკიდებელი პროცესი გავხადოთ მომხმარებლებისთვის და სიახლეებიც ამ მიმართულებით გვექნება. კაბინეტში დარეგისტრირება და „ბალანსის“ დემო ვერსიის გამოცდა შეგიძლიათ ამ ბმულზე. [პარტნიორის კონტენტი]