Windows ARM პლატფორმა 2016 წელს წარადგინეს. ეს იყო Microsoft-ის რიგით მეორე მცდელობა, გამოეშვა ოპერაციული სისტემა ARM არქიტექტურაზე Windows RT-ის წარუმატებლობის შემდეგ. სისტემის ერთ-ერთ მთავარ უპირატესობად იქცა x86 პროგრამების ემულაციის შესაძლებლობა. შემუშავების პროცესში Microsoft-მა Qualcomm-ს მიმართა, რათა Windows-ის კარგი ოპტიმიზაცია მოეხდინათ ARM პროცესორებისთვის. შეიძლება ითქვას, რომ ეს ორი კორპორაციის ერთობლივი პროექტია. Microsoft-თან თანამშრომლობით, ჩიპების მწარმოებელმა დროებითი უპირატესობა მოიპოვა. თუმცა, ამ შეთანხმების ვადა იწურება, ზუსტი თარიღი კი უცნობია.
ცნობილია, რომ უახლოეს მომავალში სხვა ვენდორებსაც შეეძლებათ Windows ARM ბაზარზე შემოსვლა. ბევრი მსხვილი მწარმოებელი განიხილავს ARM ჩიპების გამოშვებას პერსონალური კომპიუტერებისთვის, რომლებიც Windows-ზე იმუშავებენ. მაგალითად, Samsung უკვე თანამშრომლობს AMD-თან, რათა მისი გრაფიკული ჩიპები საკუთარ პროცესორებში ინტეგრირდეს. ადრე Microsoft-მა განაცხადა, რომ არ აპირებდა Windows-ის მხარდაჭერას Apple Silicon ჩიპსეტებზე (სავარაუდოდ, Qualcomm-თან არსებული შეთანხმების გამო). მაგრამ ახლა უკვე მას აღარაფერი შეუშლის ხელს, გამოუშვას Windows 11 Apple M1 ჩიპებისთვისაც.
Windows ARM ჩიპსეტის შექმნის გეგმები გაამხილა MediaTek-მა, რომელმაც დარწმუნებით განაცხადა, რომ x86-დან ARM-ზე გადასვლა „არა მხოლოდ შესაძლებელია, არამედ გარდაუვალიცაა“. იგივე პოზიციაზეა Qualcomm, რომელმაც უკვე წარმოადგინა ახალი თაობის სამაგიდო ჩიპი.
გსურთ კომენტარის დატოვება?
კომენტარის დასატოვებლად საჭიროა ავტორიზაცია
შესვლა რეგისტრაციაკომენტარები არ არის
იყავით პირველი, ვინც დატოვებს კომენტარს